花見月 (Closed)

今日天氣晴朗所以打算和屋企人專成入科學園走一趟， 因為科學園附近 風景好靚，有單車徑， 沿著海邊散步非常寫意舒適。 行下坐下在海邊逗留了個幾鐘頭， 已經到黃昏了，所以打算在這裏食晚飯。 行入二期大樓內有好多食肆發現這一間"花見月"日本菜， 餐廳外表吸引，感覺好舒適, 所以諗住試一試。安排了鄰近窗邊的座位，他們的餐具 都好別緻和乾淨。餐牌上都有好多不同的定食，因為屋企人只想食熟食， 所以点了沖繩苦瓜炒豚肉定食，秋葵野菜豆腐定食， 還有叉燒拉麵， 鹽燒油甘魚頭，天婦羅蕃薯南瓜和紫菜芝士年糕。整體食物質素美味，價格亦不貴，還有這樣的環境性價比都高。