屋子生活 (Closed)

平時去馬鞍山一定會黎屋子生活，因為貪佢有落地玻璃，環境舒適，坐得舒服。今日閒日放工過黎，竟然唔使等位，所以即刻入內坐低！我地一行二人叫左2個主食，加$25可以轉餐，有沙律、麵豉湯同野飲。七味雞唐揚丼：唐揚雞岩岩炸起，又熱又香脆，配埋白飯一流！明太子綜合茶泡丼：不過不失，叫得明太子都預左佢個味會偏咸，就算泡飯都唔會沖淡左啲味，不過食到最尾都係要飲多幾啖野飲！食完正餐，緊係要埋甜品，我地叫左木糠焙茶窩夫。因為出面好少食到焙茶既甜品，所以我地一眼就睇中佢！真係無失望，木糖好煙un!加埋冰凍既焙茶雪糕，再加熱辣辣既窩夫，各方互相配合，一凍一熱，甜度剛好，又有口感，好好食！我地非常滿意！