阿不 (Closed)

阿不尖沙咀河內道18號K11購物藝術館3樓310-311號舖星期六約咗朋友去尖沙咀食飯，中午一點仲驚要排隊等位，點知去到K11竟然好多間都唔洗等位！於是就逐層行睇吓有咩食，由於最近食得多西餐，想食返中菜，見到衣間《阿不》個menu有小菜又有點心，種類都幾多，就鎖定佢la！兩個人叫咗一個set lunch同幾款點心開心share《松草花蒸粟米雞》雞嘅分量都多，好嫩滑唔太油，松草花都好入味，仲配埋大大片厚肉冬菇，送飯好正！Set lunch包一碗白飯同一碟菜，個白菜加咗d乾蔥同豉油好好味，連平時唔鍾意食菜嘅朋友都大讚！《燒賣三重奏(鮑魚/帶子/蝦仁)》燒賣幾大粒，但係個鮑魚蝦仁同帶子就好似同粒燒賣冇乜交集，就係鋪上去粒燒賣度囉~蝦仁係幾爽口嘅，不過就冇乜味。帶子就冇乜特別，薄咗d。至於鮑魚，都好林好入味《XO炒手工有料蘿蔔糕》蘿蔔糕本身好夠味，軟林林好好味，美中不足係個皮炸得硬咗d同厚咗d《原隻鮮大號蝦餃》個名冇改錯係幾大粒嘅！蝦都好爽口同好多份量，但係同蘿蔔糕一樣，個皮厚咗d．．《蔴蓉包》衣個有驚喜！本身以為係黑芝麻餡，但原來係白芝麻！好香芝麻味又唔太甜，正！總括黎講，環境都幾舒服唔太迫