鋿晶館 (上水匯) (Under Renovation)

放工係上水附近搵嘢食，去到上水匯哩間新開餐廳好似唔錯，選擇都幾多，有小炒、龍仔蒸飯、焗飯、咖喱、麵食等等。千里香台式三杯雞球🐔，味道帶點酸甜，雞肉走過油，保持到肉質嫩滑，味道夠濃，配菜三色椒仲脆口，夠鍋氣。原件莆田燒鰻魚蛋包飯🍛，原條鰻魚真係好大條喔，燒到啱啱好，啖啖肉，蛋香夠濃郁，配飯吃一流，味道超預期。鮮豬骨湯厚切黑毛豬扒手工麵🍜，湯底有大量菇同菜，麵質彈牙，豬扒足足有18cm大，真係好誇張，豬扒煎到帶焦香，唔會醃過龍，保留到肉汁，yummy。