Video
Read full review
2016-10-30
1169 views
近年好多餐廳都選擇喺工廈入面開店，因為租金平啲，佢哋都有返多啲budget準備更上乘嘅食材，同埋提供一個更加好嘅用餐環境比客人。Number Fifteen亦都唔例外。佢哋擺咗好多心機喺環境上面，另外食材都相當高質知道果日朝早晏晝都好多嘢做，所以一早已經訂咗喺呢間餐廳食個滿足又靜靜地嘅晚餐首先門面已經好靚工廠大廈既外型可能會令人覺得間野都會upupdupdup，但係入面其實好新淨企理，好舒服，空間亦都相當大，坐得好舒服。成間餐廳嘅都係用好靚嘅木材枱櫈～仲見到佢有仲有兩間房仔，入面各有張圓枱而且兩間房中間可以用門分隔，亦都可以唔閂門，合二為一，適合一班friend/一大班人圍住聚餐😁呢啲係當晚嘅餐牌～老闆話果日啱啱轉咗新餐牌～我就嗌咗個黑毛豬set dinner餐桌擺設幾好 而且都好貼心，salt and pepper有mark返S同P俾人方便分，仲有香港人好鍾意食完嘢liu牙，準備埋牙簽真係相當好首先上嘅係starter 西班牙辣肉腸蘋果乳酪千層酥～千層酥係超脆，好正蘋果味就唔係好覺，但係乳酪味酸酸甜甜好好味～辣肉腸因為乳酪所以陣味唔係好出，但係就為鬆鬆脆脆嘅千層酥加上一啲口感～跟住就
Number Fifteen亦都唔例外。佢哋擺咗好多心機喺環境上面，另外食材都相當高質
知道果日朝早晏晝都好多嘢做，所以一早已經訂咗喺呢間餐廳食個滿足又靜靜地嘅晚餐
首先門面已經好靚
工廠大廈既外型可能會令人覺得間野都會upupdupdup，但係入面其實好新淨企理，好舒服，空間亦都相當大，坐得好舒服。成間餐廳嘅都係用好靚嘅木材枱櫈～
仲見到佢有仲有兩間房仔，入面各有張圓枱而且兩間房中間可以用門分隔，亦都可以唔閂門，合二為一，適合一班friend/一大班人圍住聚餐😁
呢啲係當晚嘅餐牌～老闆話果日啱啱轉咗新餐牌～我就嗌咗個黑毛豬set dinner
餐桌擺設幾好 而且都好貼心，salt and pepper有mark返S同P俾人方便分，仲有香港人好鍾意食完嘢liu牙，準備埋牙簽真係相當好
西班牙辣肉腸蘋果乳酪千層酥
34 views
0 likes
0 comments
千層酥係超脆，好正
蘋果味就唔係好覺，但係乳酪味酸酸甜甜好好味～
辣肉腸因為乳酪所以陣味唔係好出，但係就為鬆鬆脆脆嘅千層酥加上一啲口感～
忌廉洋蔥湯（配芝士餅條）
52 views
0 likes
0 comments
首先就係個碗好靚！一攞過嚟嘅時候已經比佢嘅外型吸引住喇哈哈，好特別！
跟住就係佢嘅氣味！一擺低嘅時候已經聞到好香嘅忌廉味！
食落口都好濃忌廉味！
另外入面有好多好多洋蔥，飲每一啖都可以食到洋蔥
另外佢仲配咗一條餅乾條，食落口先知原來係芝士味嘅 好好味！
香煎鵝肝三式杏脯
56 views
0 likes
0 comments
又係一上菜嘅時候已經聞到好香嘅鵝肝味～
同埋舊鵝肝好大！
值得一讚嘅係個多士！外脆內軟，又唔硬，好好咬～
另外鵝肝上面嘅apricot同埋伴碟嘅apricot jelly都可以中和返鵝肝果種漏嘅感覺～
炭燒西班牙黑毛豬肉眼
74 views
0 likes
0 comments
估都冇估過會有兩塊咁厚嘅豬扒
一上碟已經聞到好大陣好香嘅grill味，即刻令人lamlam脷
切得好容易，好易咬，而且食落口好香，肉汁又好多
伴碟有薯仔同雜菌，兩樣我都好鍾意
食得好飽就嗌咗杯熱檸茶幫助消化消化😂
意大利芝士餅 Tiramisu
69 views
0 likes
0 comments
意大利芝士餅 Tiramisu
39 views
0 likes
0 comments
中間嘅餅浸得剛剛好，唔會太淋，而且咖啡味都好重
食完真係覺得超級滿足，都算係我朝早做咗咁多嘢嘅一個獎勵掛
講完環境同嘢食，就講下服務啦!
服務係十分十分之好。
首先唔知點解果晚有啲口渴，就係咁飲水。侍應一見到我杯水空咗就即刻走過嚟加水。呢個係相當impressive嘅
然後老闆同侍應都好value顧客嘅意見，唔單止會得閒問下大家覺得啲嘢食點呀好唔好食呀，如果顧客有啲唔係好滿意嘅地方佢哋都會同返廚房反映 另外都睇得出老闆同客人嘅關係幾好：）
呢間餐廳真係值得去 嘢食抵食，氣氛又夠好，真係好適合一班朋友／家人一齊嚟食～
另外就係雖然廚房同食嘢嘅位唔遠，廚房度門又冇閂，但餐廳入面都聞唔到煮嘢食嘅味～呢個都加分！
出返去搭𨋢嘅時候先發覺原來間嘢喺15樓，唔知係咪因為咁所以改個名都係number fifteen呢hahaha
之前睇呢間餐廳嘅openrice食評嘅時候見到其他食家話要搭上下開閘嘅𨋢，見到咁我都超驚，唔識控制家嘛😂
但好彩其實舊式𨋢嘅對面係有一部新式嘅𨋢嘅 所以冇問題！
Post
