KC Cafe (Closed)

今日要黎觀塘做野, 係黎之前, 其實已經search 定想食咩, 但係好多search 到合心水的餐廳, 又已經執左。好在你不用愁煩。因為一出觀塘地鐵站, 已經有好多姨姨派傳單比你, 見到咩arm 心水, 上去坐就得, 最多下次唔黎。KC CAFE 都係我其中一間因為gam 樣而上黎的餐廳, 其實一見地址係27樓的餐廳, 就知佢只係做到小食 (因牌照關係)而上到黎, 位處27樓景觀無疑是十分一流, 望郵輪碼頭, 讓人心曠神怡, 但另一邊其實都幾驚嚇, 因為個''office''另一邊係賣名不經傳的化妝品, 直覺似係做傳銷果類,而檯面亦都寫住「只限會員」。然而細路見到周圍都係公仔陪食, 在此後離開必招大禍。既然伏已中, 還是比比面叫小小野食。不過其實都唔便宜, 韓式飯團配小吃配飲品要四十多元差不多五十元,話佢貴的原因是因為這些小食功夫不多, 至於味道, 普通吧。相比起以差不多的價錢去坤記食竹昇麵, 這些飯團雞翼就顯得無功夫要做了,而且那蜜桃茶和檸檬茶也是開粉 (立頓)的, 所以其實我覺得這小小挺貴的。