康姨咖啡室

Open Now

Now Closed

閨蜜忙於湊B少咗聚會，剛諗起海防博物館內的扶康會康姨餐廳，就約佢去食完再館內逛逛。閨蜜是有啲要求的女孩😊，佢到餐廳都大讚餐廳環境好舒適，落地玻璃景緻一流，好啱傾偈聚餐慢慢坐。我地叫咗鴨胸沙律，三文魚卡邦尼意粉和黑松露意粉，都好好味。我之前食過菠蘿油，今次就陪佢食蛋糕，好唔錯。咖啡我就更喜歡佢哋嘅多於出邊啲大牌子。雖然點餐和餐具要自助，但有樓面哥哥仔送餐到枱。特別要讚吓樓面哥哥仔很殷勤細心，上甜品時主動幫我哋換餐具同碟。餐廳整體性價比高，又有3小時免費泊車。之後我地再在樓下博物館室內外走一走，同新手媽咪過咗個開心寫意的下午。