Mini Friday (銀城廣場) (Closed)

好耐無試過晚市堂食喇, 為咗隆重其事, 一早搵定餐廳, 見到 ❥⧽𝐌𝐢𝐧𝐢 𝐅𝐫𝐢𝐝𝐚𝐲 ❥⧽ 有威靈頓牛柳食, 所以就 book 定去試吓。去到餐廳好快就安排入座, 本身坐喺餐廳偏中間位置, 過咗一陣卡位有人走, 職員走過嚟話幫我地轉去卡位 (本身無要求), 呢個安排確實好加分。𓊈餐前小食 ✧ 薄脆𓊉一坐低就有一籃薄脆放喺度, 喺等嘢食嚟嘅時候會不知不覺咁食曬, 薄脆實在好酥脆香口。𓊈皇牌威靈頓牛柳𓊉賣相好靚呀, 酥皮脆卜卜, 切開之後有濃濃磨菇香, 我個人唔食太生嘅牛肉, 所以牛柳嘅熟度對我嚟講剛好, 肉質軟腍。側邊嘅薯蓉有香草味, 唔會覺得油膩。𓊈卡邦尼扁意粉𓊉卡邦尼扁意粉嘅份量都幾多, 見到隻蛋晶瑩剔透好嫩滑咁, 一切開就有蛋黃汁流出嚟, 令到個意粉更 creamy, 食落有好香嘅蒜味, 配埋煎香咗嘅煙肉同菇菇, 好好食!✧✧ 整體食物都好好, 值得一提係每張枱都有提供一支水比你自己斟, 即使無叫飲品都唔怕口渴, 另外仲有pepper, tabasco 等等調味料放定喺度, 好適合我呢種唔想吓吓叫職員嘅懶人。