森美餐廳

Open Now

Now Closed

前排望OPEN RICE見到呢間餐廳食評好似唔錯，所以約左個朋友去荃灣食飯吹下水。夜晚我地去到果時都算多人，但好彩餐廳環境夠曬寬敞，位與位之間好寬落所以坐得幾舒服。至於裝潢方面都擺左心思，成個牆壁放左唔同種類既玩具。由我地坐底到落單等左唔算太耐就已經有得食，果日唔係好餓，淨係嗌左個意粉、安格斯漢堡包同芝士蛋糕share食。個意粉普普通通，賣相唔係太吸引不過味道都OK既至於個包同塊牛肉就硬左少少略為失左水準但不得不讚個芝士蛋糕整得好好食，全晚最滿意就係佢啦!!呢間餐廳整體唔錯，有機會都可以再黎試下其他野食。