Video
Read full review
2012-10-06
123 views
獲邀出席試食會, 好開心!!! 翻新後第一次o黎, 真係有WoW一聲嘅感覺!!! 同以前完全唔同晒!!! 開放式大廚房, 簡潔明亮嘅環境, 寬闊嘅通道, 行得好舒服, 舒服到唔想返埋位, 哈哈哈哈...法式海鮮拼盤--WoW... 好靚呀!!! 我覺得藍貝青口最好味, 好濃嘅青口味!!! 青口同雪花蟹腳都好鮮甜!!! 瀨尿蝦同蟹腳遮住咗嘅大頭蝦都OK...鮮鮭魚他他 Tartare de saumon frais--平時三文魚刺身就食得多, 三文魚他他真係第一次食!!! 用湯匙裝住, 除咗靚咗同High Class咗之外, 仲可以食得好有儀態, 哦呵呵呵... 切成粒狀嘅三文魚, 加埋香草同橄欖油一齊食, 好好味, 又香又滑, Good!!!芝士焗波菜蓉伴帶子 Coquilles St. Jacques au Gratin a la Florentine--今晚嘅另一個至愛!!! 帶子好彈牙, 波菜蓉好好味, 上枱時仲勁熱, 好正!!!法國香草包糠焗羊架 Rack of Lamb "Provencale" Style--法國普羅旺斯Style?!! 我對普羅旺斯嘅認識, 就只限於薰衣草
翻新後第一次o黎, 真係有WoW一聲嘅感覺!!! 同以前完全唔同晒!!! 開放式大廚房, 簡潔明亮嘅環境, 寬闊嘅通道, 行得好舒服, 舒服到唔想返埋位, 哈哈哈哈...
法式海鮮拼盤--WoW... 好靚呀!!! 我覺得藍貝青口最好味, 好濃嘅青口味!!! 青口同雪花蟹腳都好鮮甜!!! 瀨尿蝦同蟹腳遮住咗嘅大頭蝦都OK...
鮮鮭魚他他 Tartare de saumon frais--平時三文魚刺身就食得多, 三文魚他他真係第一次食!!! 用湯匙裝住, 除咗靚咗同High Class咗之外, 仲可以食得好有儀態, 哦呵呵呵... 切成粒狀嘅三文魚, 加埋香草同橄欖油一齊食, 好好味, 又香又滑, Good!!!
芝士焗波菜蓉伴帶子 Coquilles St. Jacques au Gratin a la Florentine--今晚嘅另一個至愛!!! 帶子好彈牙, 波菜蓉好好味, 上枱時仲勁熱, 好正!!!
法國香草包糠焗羊架 Rack of Lamb "Provencale" Style--法國普羅旺斯Style?!! 我對普羅旺斯嘅認識, 就只限於薰衣草同埋... 五星級大鼠!!! 呀哈哈哈... 呢碟羊架真係切得好靚, 羊肉熟得o黎又唔韌, 啱晒我呢d怕見血嘅人...
煎薯蓉班戟伴鴨肝 Potato Pancake au Foie Gras--鴨肝大片到離奇, 一切開就見到, 唔使用放大鏡搵!!! 鴨肝味道香濃, 驚喜位係冇唸過可以用Pancake包住o黎煎, 完全唔使驚煎濃或者煎爛!!! 朋友之前送咗盒法國鵝肝比我地, 我唸我都可以試吓用呢個方法煎!!!
蜆殼粉焗釀田螺 Escargot avec des cuit Conchiglioni--我係屋企好鐘意食蜆殼粉, 佢呢個加大碼蜆殼粉真係未食過, 估唔到竟然可以成粒田螺放入去, 仲要擺得咁靚, 利害!!! 蜆殼粉+田螺+薯蓉, 3大至愛集於1身, 我好難唔選佢做最晚至愛!!! 愛情係盲目嘅, 大家唔好噓, 唔該... 嘩咔咔咔...
烤豬柳伴焦糖洋蔥蘋果 Pork Medallion and Caramelized Onion and Apples--已經食到好飽, 都夾咗一片o黎試吓... 嘩... 豬不可以貌相!!! 佢個樣睇落又乾又硬, 但係咬落去係軟綿綿o架, 好有豬味, 焦糖洋蔥蘋果汁好好味, 大家記得試吓呢一味...
布吉尼燴牛肉 Boeuf Bourguignon--切成立方體嘅燴牛肉賣相不錯, 可惜我夾果件有少少Over-cooked, 不過其他食家好似冇呢個問題...
白朱古力象牙蛋糕 Ivoire--賣相好可愛嘅法式甜品!!! 白朱古力慕絲包住香甜嘅提子, 配酸May May嘅覆盆子醬, 都第一次嘗試, 都幾特別...
大家想回本就記得食多d法式海鮮, 鮮鮭魚他他, 芝士焗波菜蓉伴帶子, 法國香草包糠焗羊架, 煎薯蓉班戟伴鴨肝啦~ 仲有刺身, Sushi, HD雪糕同D雪糕!!!
甜品件件都靚到藝術品咁, 唔係好捨得夾開佢囉...
廚師忙於即煎薯蓉班戟伴鴨肝, 好大盤呀...仲要提一提佢個燉湯, 即燉要等15分鐘, 好得!!! 同埋蝦餃都好得!!! 聽講原來佢地有3個點心師傅做點心, 唔怪得粒蝦餃咁掂啦!!!
Post
