Video
Read full review
2024-05-04
17 views
今日約咗個朋友lunch Time出嚟聚吓，朋友揀咗銅鑼灣亨利中心7樓嘅明道。餐廳係行簡約日式風。窗外望住利舞臺Times Square嘅景色，視覺感覺空曠。叫咗個特上至尊火鍋套餐，套餐包括日本神戶黑豚肉+美國牛肉+特選串燒兩串+茶碗蒸蛋+味噌湯+雜菜盛+稻庭烏冬或粥+咖啡或甜品。但由於朋友唔食牛肉，所以我哋轉晒全部做黑豚肉。呢個套餐咁多嘢真係好抵食。神戶黑豚肉味濃鮮味。串燒一串係香蔥燒雞，另一串係鹽燒雞翼。兩串串燒都唔會太鹹，入面都保留到肉汁。熱辣辣燒出嚟好吸引.茶碗蒸蛋滑捋捋，入邊有蝦仁，冬菇同埋銀杏。味噌湯有好多海苔喺入邊，唔係得個鹹字嗰隻。蔬菜盛既蔬菜都好新鮮清甜。仲有啲葛絲，煙煙韌韌幾好咬口。個粥係當我哋食完晒肉同埋蔬菜之後，職員繼續用返個鮮濃鱲魚湯底再加啲粥底，紫菜絲，蟹籽，蟹膏同埋雞蛋落去煮返個粥俾我哋食。呢個粥我覺得真係好鮮味，推薦大家要揀呢個粥。另外我哋仲叫咗個海鹽燒活鰻飯。個活鰻係即叫即燒，所以出嚟嘅時候熱辣辣，個魚皮係脆身既。新鮮嘅魚只需要加少少海鹽已經好夠鮮味。活饅油份充足，所以食落好香。最後食埋個雪糕，就滿足晒喇呢度嘅職員親切有禮，食物有質素，環境又唔侷促，下
今日約咗個朋友lunch Time出嚟聚吓，朋友揀咗銅鑼灣亨利中心7樓嘅明道。
餐廳係行簡約日式風。窗外望住利舞臺Times Square嘅景色，視覺感覺空曠。
叫咗個特上至尊火鍋套餐，套餐包括日本神戶黑豚肉+美國牛肉+特選串燒兩串+茶碗蒸蛋+味噌湯+雜菜盛+稻庭烏冬或粥+咖啡或甜品。但由於朋友唔食牛肉，所以我哋轉晒全部做黑豚肉。呢個套餐咁多嘢真係好抵食。
神戶黑豚肉味濃鮮味。
串燒一串係香蔥燒雞，另一串係鹽燒雞翼。兩串串燒都唔會太鹹，入面都保留到肉汁。熱辣辣燒出嚟好吸引.
茶碗蒸蛋滑捋捋，入邊有蝦仁，冬菇同埋銀杏。
味噌湯有好多海苔喺入邊，唔係得個鹹字嗰隻。
蔬菜盛既蔬菜都好新鮮清甜。仲有啲葛絲，煙煙韌韌幾好咬口。
個粥係當我哋食完晒肉同埋蔬菜之後，職員繼續用返個鮮濃鱲魚湯底再加啲粥底，紫菜絲，蟹籽，蟹膏同埋雞蛋落去煮返個粥俾我哋食。呢個粥我覺得真係好鮮味，推薦大家要揀呢個粥。
另外我哋仲叫咗個海鹽燒活鰻飯。個活鰻係即叫即燒，所以出嚟嘅時候熱辣辣，個魚皮係脆身既。新鮮嘅魚只需要加少少海鹽已經好夠鮮味。活饅油份充足，所以食落好香。
最後食埋個雪糕，就滿足晒喇
呢度嘅職員親切有禮，食物有質素，環境又唔侷促，下次會再同朋友過嚟食飯。
Post
