喜記避風塘炒辣蟹 (謝斐道)

Open Now

Now Closed

好耐無食過大排檔突然好想食，約左舊同學共六人去食喜記。一坐低就叫咗個套餐，佢有齊晒想食嘅嘢食，唔使額外諗。🎉套餐主打有避風塘炒辣蟹2隻同美味鷄煲，呢兩個係全晚讚不絕口嘅兩款菜，雞煲份量都唔少，六個人食好足夠，雞肉唔算肥同好滑。🐔😈😈呢個套餐真係好豐富，仲有馳名沙拉骨，油鹽水浸蜆，招牌醉飽魚6隻，黃金蝦，椒鹽焗魷魚拼白飯魚同招牌蟹油炒麵。💓每款都好好味好吸引，多到唔知食咩好。招牌醉鮑魚煮既時間控制好好，🦐黃金蝦同椒鹽焗魷魚拼白飯魚都好出色。❤️值得一題係餐廳環境好給力，舒服得來又好睇。