Video
Read full review
2023-04-28
1442 views
係OPENRICE見到係九龍灣有間日式半自助餐的餐廳好似幾正咁，所以專登BOOK左位，星期日去左試下，順便行下MEGABOX。入到去餐廳樓底好高，仲有落地玻璃，空間感十足，十分開揚通透，加埋竹簾子同木系裝潢，好有日式和風既感覺。餐廳中間位有一個製作壽司刺身既櫃檯，櫃檯上有一個好巨大燈座，非常氣派，仲可以睇到師傅們整野食既過程。我地叫既係午市90分鐘半自助餐 $268 (只限週末和公眾假期)，可以任食刺身、壽司、串燒、沙律、和食等等各種美食，而主食就係8選1。🔹🔸🔹🔸🔹🔸🔹🔸🔹🔸🔹牛肉野菜鍋一睇就覺得好豐盛，牛肉份量勁多。牛肉牛肉好濃，配搭各種蔬菜、豆腐同溫泉蛋，質素唔錯，湯底係偏甜既但又唔會好膩，而個溫泉蛋既蛋汁簡直就係畫龍點晴，超高質。🔹🔸🔹🔸🔹🔸🔹🔸🔹🔸🔹網燒安格斯牛扒牛扒外表焦香，內部嫩滑多汁，網燒既烤法令到牛肉既味道更加突出，配埋少少黑椒同埋個汁，令牛肉既味道更昇華。仲會切好埋俾你，一口一條，食既時候好方便，做得非常出色。🔹🔸🔹🔸🔹🔸🔹🔸🔹🔸🔹特別推薦刺身劍魚腩同三文魚都係厚切既，仲好肥美超新鮮，特別推介。放題黎講，真係比其他地方既質素好好多。三文魚同劍魚腩都好推介！有豐富嘅油
餐廳中間位有一個製作壽司刺身既櫃檯，櫃檯上有一個好巨大燈座，非常氣派，仲可以睇到師傅們整野食既過程。我地叫既係午市90分鐘半自助餐 $268 (只限週末和公眾假期)，可以任食刺身、壽司、串燒、沙律、和食等等各種美食，而主食就係8選1。
🔹🔸🔹🔸🔹🔸🔹🔸🔹🔸🔹
牛肉野菜鍋
一睇就覺得好豐盛，牛肉份量勁多。牛肉牛肉好濃，配搭各種蔬菜、豆腐同溫泉蛋，質素唔錯，湯底係偏甜既但又唔會好膩，而個溫泉蛋既蛋汁簡直就係畫龍點晴，超高質。
🔹🔸🔹🔸🔹🔸🔹🔸🔹🔸🔹
網燒安格斯牛扒
牛扒外表焦香，內部嫩滑多汁，網燒既烤法令到牛肉既味道更加突出，配埋少少黑椒同埋個汁，令牛肉既味道更昇華。仲會切好埋俾你，一口一條，食既時候好方便，做得非常出色。
🔹🔸🔹🔸🔹🔸🔹🔸🔹🔸🔹
特別推薦
刺身
劍魚腩同三文魚都係厚切既，仲好肥美超新鮮，特別推介。放題黎講，真係比其他地方既質素好好多。三文魚同劍魚腩都好推介！有豐富嘅油脂，係魚腩位呢，入口即化！帆立貝就比較細粒，正常水準。其他野都ok！唔錯～
🔹🔸🔹🔸🔹🔸🔹🔸🔹🔸🔹
壽司睇住師傅係手握既，飯同魚生既比例岩岩好，做得唔錯，仲有幾款熟食類壽司🍣，整體都唔錯！👍🏻
🔹🔸🔹🔸🔹🔸🔹🔸🔹🔸🔹
串燒
最鐘意係牛舌，厚切真係冇得輸，佢係比較淋身既，口感幾特別，味道好好。
🔹🔸🔹🔸🔹🔸🔹🔸🔹🔸🔹
小食
吉列蠔既炸粉唔算太厚，蠔肉都唔腥，幾好食。
芝士年糕外脆內軟，芝士仲要係流心既，口感好好。
芝麻雞翼炸得好出色，外酥內嫩，肉質好滑，好香口。
🔹🔸🔹🔸🔹🔸🔹🔸🔹🔸🔹
特飲 (白桃乳酸特飲 & 巨峰乳酸特飲)
味道正常，不會太甜，解渴解膩一流。
🔹🔸🔹🔸🔹🔸🔹🔸🔹🔸🔹
總結︰餐廳既服務態度非常好，食物質量高，價錢唔貴，性價比高。而且個環境好好，座位之間有一定的距離，加上落地大玻璃，好比大酒店既自助餐，非常適合和朋友聚會，非常值得一試。
Post
