富嘉閣 (Closed)

好耐冇去「富嘉閣」, 今日原本想去隔離間「粥麵館」食粥, 不過行到去門口臨時轉軚...11點半, 得1枱客, 好靜局... 加上酒店級環境, 舒服到暈... 食物同服務都係酒店級, 好多酒店都唔夠佢揮...珧柱豆苗餃 -- 雖然冇咩珧柱, 但係豆苗好幼嫩, 冇青草味, 好得~懷舊麒麟馬拉糕-- SO SO 啦, 鬆軟不足, 香味欠奉...黑芝麻流沙包 -- 流沙包食得多, 黑芝麻流沙包係第一次食, 好得呀!!! D黑芝麻真係好流沙呀!!! 超強勁黑芝麻味, 微甜, 我比10個讚!!! (黑芝麻怪嘅說話唔多中肯, 大家唔好盡信, 咁啦, 8分啦)桂花豆沙煎堆 -- 讚! 讚! 讚! 落單20分鐘先有得食, 我估係即炸, 嘩, 熱辣辣到呢, 仲要一滴油都冇, 勁!!! 細細粒, 豆沙蓉好滑, 好香桂花味, 好有驚喜!!!Service都唔錯, 午市經常爆滿, 想食要早d Book位...