十二少海鮮刺身牛肉火鍋專門店 (Closed)

早前朋友黎到大圍周圍搵食野，重打算食埋晚餐先返屋企，見依間火鍋店外觀不錯，座位又夠寬敞，所以晚餐就交俾佢地廚師發辦。廚師發辦套餐裡面有刺身拼盤,有三文魚、希靈魚和虎蝦，虎蝦沾泰式醬汁，爽彈得黎更提昇鮮味。我地揀左番茄濃湯鍋，湯底夠濃，薯仔好味。海鮮拼盤有鮮蝦、蟹、青口、帶子、花甲、象拔蚌等等，材料新鮮，鮮蝦肉質爽彈，花甲、象拔蚌入口清甜無沙。牛肉拼盤裡面有牛頸脊、黑毛豚腩片、新鮮牛胸爽、牛舌，牛肉配番茄湯真係好夾，牛頸脊肉味夠濃，牛胸爽入口爽脆。食火鍋點少得炸魚皮，加一點炸蒜，勁香脆。十二少四寶丸粒粒新鮮，墨丸爽口彈牙，自家制手工四寶餃件件，餡料十足，雲吞有驚喜，蝦味夠濃。農場雞件唔算太肥，雞肉滑嫰。