Chilli Lime (MONTEREY Place)

Open Now

Now Closed

餐廳有情調，氣氛唔錯，座位舒服，有加一，職員好客有禮之外，菜式選擇多，上菜都快，擺盤都靚，越夜越多人，建議先book枱。冬蔭功湯配大蝦108兩隻大蝦開邊，蝦肉新鮮彈牙，冬蔭功少少辣又有啲酸甜地，夠開胃。泰式金沙律$88燒豬肉醃得入味，自制泰汁超正，少少辣，勁惹味又好醒胃，連配菜都食曬，推薦。印式椰香牛肉$148+配蒜蓉烤餅$38有三大塊簿餅，邊邊脆口中間鬆軟，蒜蓉味好香，有咬口又好食，不用沾醬已經好好食，配上微微辣又濃郁椰香味既咖哩，絕配。咸魚炒芥蘭$88炒得好有鑊氣，有咸魚香味但絕對唔會過咸，味道適中，芥蘭爽脆。Fruit Float $68好濃芒果及菠蘿味，甜甜地，好飲。Yellow Sky $58酸酸甜甜，絕對解膩。椰絲斑蘭丸子布丁$68斑蘭味既西米，煙煙韌韌又唔太甜，配上椰絲一齊食，好香，最特別中間粒紅色丸子，勁粉，幾好食，整個甜品幾特別。