Video
Read full review
2023-06-10
291 views
18樓雞煲因為位於18樓顧名思義舖頭名都叫18樓雞煲，而且表示是地表最強！兩小時任飲任食的雞煲火鍋，唔同嘅套餐價格都唔一樣。套餐A可以選擇精選美國雪花肥牛套餐，套餐B 就可以食嚴選美國安格斯牛，而套餐C就可以食極上澳洲和牛，因為我唔食牛肉，就同朋友試下佢哋嘅套餐A啦✨環境真係好闊落，裝修都好有心機，特登以舊式嘅老街設計，仲有霓虹燈招牌嘅裝飾，真係有錯覺好似去返以前嘅時代感！而座位舖頭有分二人或四人等唔同嘅卡位，每一台都係梳化卡位，有一個電磁爐可以調校溫度大細，你可以預先點咗自己雞煲嘅辣度，食完雞煲再加湯，享用唔同嘅火鍋配料。除咗用手機落單點選火鍋配料，自助取用餐點位重劃分咗唔同名稱，非常有心思！提供不少飲品如韓國汽水、茶、自製冬瓜茶、果汁等等，自助醬料放喺「醬油舖」，新鮮嘅蔬菜就放咗喺「妹仔菜欄」位置，另外設有補湯櫃檯，軟雪糕就分咗兩隻唔同口味，以及「半島茶樓」水吧位裝熱水等等。我哋嘅套餐都有點咗唔少嘅海鮮，好似鮮蝦滑、海蝦、魷魚、土魷、蜆、花膠等等嘅配料，都算幾豐富！而海鮮食落又幾新鮮，花膠煮完出嚟係柔滑彈牙嘅質地。肉類嘅選擇除咗牛肉、雞肉、豬肉、魚，另外仲有羊肉，火鍋配料真係好齊全
18樓雞煲因為位於18樓顧名思義舖頭名都叫18樓雞煲，而且表示是地表最強！兩小時任飲任食的雞煲火鍋，唔同嘅套餐價格都唔一樣。
套餐A可以選擇精選美國雪花肥牛套餐，套餐B 就可以食嚴選美國安格斯牛，而套餐C就可以食極上澳洲和牛，因為我唔食牛肉，就同朋友試下佢哋嘅套餐A啦✨環境真係好闊落，裝修都好有心機，特登以舊式嘅老街設計，仲有霓虹燈招牌嘅裝飾，真係有錯覺好似去返以前嘅時代感！
而座位舖頭有分二人或四人等唔同嘅卡位，每一台都係梳化卡位，有一個電磁爐可以調校溫度大細，你可以預先點咗自己雞煲嘅辣度，食完雞煲再加湯，享用唔同嘅火鍋配料。
除咗用手機落單點選火鍋配料，自助取用餐點位重劃分咗唔同名稱，非常有心思！提供不少飲品如韓國汽水、茶、自製冬瓜茶、果汁等等，自助醬料放喺「醬油舖」，新鮮嘅蔬菜就放咗喺「妹仔菜欄」位置，另外設有補湯櫃檯，軟雪糕就分咗兩隻唔同口味，以及「半島茶樓」水吧位裝熱水等等。
我哋嘅套餐都有點咗唔少嘅海鮮，好似鮮蝦滑、海蝦、魷魚、土魷、蜆、花膠等等嘅配料，都算幾豐富！而海鮮食落又幾新鮮，花膠煮完出嚟係柔滑彈牙嘅質地。
肉類嘅選擇除咗牛肉、雞肉、豬肉、魚，另外仲有羊肉，火鍋配料真係好齊全，你諗到嘅都有，除咗炸魚皮仲有蝦片添🤭服務員都好有禮貌，送餐服務夠快，唔會漏單，冷氣又夠！以呢個價錢同食物質素，真心覺得可以約埋屋企人朋友嚟試吓✨
Post
