Video
Read full review
2020-12-07
50 views
今次食越南菜，經過見到門口幾靚又有特色特別門口個幅大掛畫。就入黎食個晏啦～餐廳坐得都闊落既，藍白主題，仲有啲草帽等等既裝飾。一坐低，叫左碗湯麵，店員見到有小朋友一齊用餐～都主動拎左多一隻碗仔俾我，服務都幾周到！睇下餐牌先～價錢都算合理呀！我地叫左一碗扎肉湯河＄46。午市仲有小食優惠，所以我叫埋越式春卷＄21同越式拍青瓜＄22，飲品加10蚊叫左三色冰。野食黎啦～問左店員，除左牛肉類既湯麵之外，其他湯麵都係用雞湯既～呢個札肉湯河既配菜係有蘿蔔呀～芽菜等等。。值得讚下個蘿蔔，好甜同好嫩喎。札肉薄片，河粉都好滑同條條分明，小朋友都話好味，佢食左好多。拍青瓜原來係辣既，比較大條左啲啲囉，個汁先係呢個小食既重點，加埋一齊好鮮甜，仲好脆口。春卷係用米網個隻黎，好鬆化同size長短大細岩岩好，幾易入口又唔會咬到散哂。 三色冰個啲粒粒好幼細，飲一啖已經食到好多種唔同既口味，口感都好好。同佢甜度唔太高，感覺清新。整體黎講，坐得舒適，食物好食！服務都好。聽講晚餐會多菜式選擇，下次應該會再黎試下晚餐。
一坐低，叫左碗湯麵，店員見到有小朋友一齊用餐～都主動拎左多一隻碗仔俾我，服務都幾周到！
睇下餐牌先～價錢都算合理呀！
我地叫左一碗扎肉湯河＄46。午市仲有小食優惠，所以我叫埋越式春卷＄21同越式拍青瓜＄22，飲品加10蚊叫左三色冰。
野食黎啦～問左店員，除左牛肉類既湯麵之外，其他湯麵都係用雞湯既～呢個札肉湯河既配菜係有蘿蔔呀～芽菜等等。。值得讚下個蘿蔔，好甜同好嫩喎。札肉薄片，河粉都好滑同條條分明，小朋友都話好味，佢食左好多。
拍青瓜原來係辣既，比較大條左啲啲囉，個汁先係呢個小食既重點，加埋一齊好鮮甜，仲好脆口。春卷係用米網個隻黎，好鬆化同size長短大細岩岩好，幾易入口又唔會咬到散哂。 三色冰個啲粒粒好幼細，飲一啖已經食到好多種唔同既口味，口感都好好。同佢甜度唔太高，感覺清新。
整體黎講，坐得舒適，食物好食！服務都好。聽講晚餐會多菜式選擇，下次應該會再黎試下晚餐。
Post
