Rice Paper (Closed)

約左幾位友人出又一城行下街，順便又睇下bb。本想食另一間餐廳，但友人去錯地方而黎左rice paper。錯有錯著，呢度唔使排隊之餘，仲比左個房仔我地，可以擺bb櫈，又可以比bb行黎行去，對媽媽聚會黎講真係幾好，但店員提醒只可進餐個半鐘，有點趕啦。主打越南菜嘅餐廳，但唔知點解我地揀嘅都係泰式菜，其中一位友人唔食辣，幾經商量，決定叫幾樣大路野。泰菠蘿海鮮炒飯 $108四份一個菠蘿連炒飯上，唔係一般見到用菠蘿盛住，海鮮有青口，帶子，魚柳，蝦，露荀等，頗為豐富。飯炒得很乾身，煙韌有飯香，食得出係靚嘅絲苗米，份量亦比預期中大，幾抵食。泰式濕炒豬肉河粉 $88咦咦望唔到有河粉嘅？原來係用上一大片個種泰式河粉，配料有豬肉片，芥蘭，粟米仔，草菇等，河粉很黏口，而且個汁好鹹，一般。泰式炸蝦餅 $82新炸起十分香脆，唔油，蝦餅很彈牙，旁邊的甜酸汁都幾辣，唔食得辣嘅朋友真係點少少好啦。蒜蓉包  $32一般蒜蓉包味，無驚喜，唯好處係一焗好即刻上，香噴噴。另叫了一杯鹹檸檬疏打 $38，無試亦無影相，友人話唔錯飲。最後食完野吹下水，應該多過個半鐘，但未有趕客，其間仲有幫我地加水，都幾好吖。