B家닭갈비 (Closed)

經同事介紹去哩間由愛回家醒哥開既韓國菜店食！一入門口就見到醒哥，親力親為bor真係！餐廳算好大，樓底高，椅子好大，分得好開，有足夠空間！而家lunch like fb pave就有罐裝野飲送，又唔洗加一，的確幾好！叫做韓國部隊鍋拉麵，非常足料，有年糕、冬菇、芝士，兩舊煎過既午餐肉、泡菜、一堆雞肉，湯底唔算濃，但夠辣，年糕反而啖口，無一齊煮過就放落去，最出色係午餐肉，好耐無食過咁有誠意既午餐肉，夠厚，又夠焦，芝士有燒過，可以多放！餐廳地方偏僻，午市都無乜人唔洗等，不過服務同食物其實都幾好，可以多多支持！