曜 (Closed)

餐廳裝潢、擺設及餐具都充滿日式武士風格，環境恬靜雅致，可以坐卡位，或坐吧枱旁邊睇師傅準備食物。餐廳空間寬闊舒適，非常適合與朋友相聚，一同品嚐美食😋 上菜時店員都仔細地介紹每款食物，十分貼心🥰 第一次嚟，點咗🦀蟹皇磯煮鮑魚伴稻庭烏冬($268) 及🐟刺身定食($468)餐前小食係花膠雞湯果凍，混有柚子酸汁，十分開胃！盛載果凍嘅器皿係武士造型，好可愛😆 刺身定食有六款刺身，每款有兩片，二人分享都可以🥰 每款刺身都好好食，最鍾意腦天、銀鱈魚及赤海老刺身級別嘅銀鱈魚比一般銀鱈魚更滑，魚肉表面經過炙燒，逼出香而豐盛嘅魚油，魚肉味道亦十分濃郁，好滋味😋 腦天係吞拿魚頭頂嘅肉，脂肪含量高，經火焰炙燒嘅魚肉，味道比銀鱈魚更濃厚，細味品嘗，甘甜魚油於口腔內緩緩滲出，十分出色😋 赤海老甘甜，肉質滑溜，口感軟糯好好食❤️ 帶子鮮甜，池魚同真鯛亦鮮味😋 刺身旁邊以白海藻裝飾，爽脆白海草本身無味道，點豉油過口癮都幾特別刺身定食配有🍚和牛油炒飯，飯粒都有蛋包裹，散發陣陣牛油香味。如果能夠添上蔥花及少許配料，相信可以為整體賣相及味道錦上添花🌸鮑魚烏冬係冷麵，進食前先將配料跟烏冬拌勻。烏冬口感彈牙偏濕潤，🦀金黃色蟹皇及