富嘉閣 (Closed)

復活節的長假出了港島走走，沿海邊行了好遠路，最後到了鰂魚涌公園休息一下，見有啲餓又口渴，朋友提議去飲茶，上網search下，鰂魚涌的茶樓不多，近近地就去左富嘉閣。個商場假日唔開？燈開一半，噴水池停左，靜英英咁唔知間茶樓有無開呢？上到去間大x樂無開，都打定輸數，呀…點知茶樓有開門喎，環境仲幾好添。開有壺普洱茶，勁深色但茶味一般，再寫左幾個點心同炒野，休息下等食先。最先到係福建炒飯，賣相都唔錯，飯炒得香口乾身，個汁調味幾好，料都算多，好食。點心有潮州粉果，夠熱但少餡，我食個隻無花生…菠蘿叉燒包，個菠蘿皮太硬太脆了，焗得過火左。香煎韮菜餃，呢樣幾好食，皮厚煙韌，韮菜餡鮮味多汁。最後有甜品迷你蛋撻仔，係曲奇皮…仲諗住茶樓會有酥皮添，個皮同菠蘿包一樣太硬太脆，蛋汁又少，個蛋撻仔已經細仲得半滿蛋汁，失望。加分點係有潮州辣椒油，有左佢再唔食嘅點心都變得好食。食物水準一般，勝在環境唔錯同極多伙計，茶水沖得好勤快。