嘆嘆

Open Now

Now Closed

朋友係黃大仙呢頭住，佢話呢邊有間好靚又抵食既餐廳，叫我過黎試一試。好啦，咁我地就約左周末過黎食lunch，順便去一去黃大仙廟。一黎到，餐廳佈置得好靚，好多打卡位，而且甜品非常之吸引，價錢仲要好抵，埋單時發現餐廳仲要冇收加一，真心抵。⚠️見到餐廳做緊優惠：*9月9日至15日期間惠顧新餐牌菜式可享全單75折**飲品可半價加配*❤️嘆嘆套餐1。招牌牛筋牛肉麵 （麻辣湯）刀削麵 $1182。紅油抄手3。凍手打香水檸檬柑桔 （大大杯）套餐包左主食，小食同飲品，牛筋牛肉麵份量好多，牛肉同牛筋都好淋好入味，麻辣湯底夠麻但又唔太辣，十分岩我地口味。手打香水檸檬柑桔超級大杯，酸酸甜甜，十分解渴。❤️沙茶牛肉鍋 （刀削麵） $106配料有菇類，有丸，有雜菜，有腐竹，牛肉等，份量超多。沙茶味濃，好惹味。❤️凍奶蓋黑糖珍珠奶茶 （半價）$16食台灣野一定要點珍奶，奶味濃夠晒香甜，仲要半價抵飲。❤️香芒雜雜 $68估唔到$68既甜品，打卡勁正，擺盤好靚，有奶凍大，有雪糕，有泡芙，同埋千層蛋糕，超級抵食。❤️3.5牛乳黑糖芋圓大滿貫 $68又係超級大碗，好足料，有奶凍，仙草，芋圓，芋泥等等，好重牛奶味，香濃美味，岩晒夏天。