Video
Read full review
2005-05-10
1214 views
應人的邀請，朝早的唯一工作，就係嗡六十分鐘野，好不輕鬆。之後主理人在這裡訂左位請食飯，算是酬謝。呢度地方唔細，裝修得美輪美奐，擺滿大型裝飾及古玩，幾有派頭，請客食飯，一點也不失禮。一行五人，三人兩外籍人士，但點菜的責任卻落了在外籍人士身上，因為係佢地做東。先來四小碟，是蜜汁叉燒、蒜泥黃瓜、水煮牛肉及椒鹽豆腐，雖說小碟，但份量都足夠。蜜汁叉燒﹝如圖﹞好有水準，之前都講過度度都有靚叉燒，如西苑的就好正，而呢度都好掂，肉質鬆化，雖然偏甜少少，但話明「蜜汁」，偏甜也無可厚非，還有一半是蜜汁豬頸肉，又是另一種口感，都掂！蒜泥黃瓜幾精緻，味道沒有問題，略嫌整得不太夠爽脆；水煮牛肉麻香味夠，但嚴格來說不太夠辣，不過以鬼佬來說已夠數有突；椒鹽豆腐都唔錯，要了碟桔油來點，老外都好有興趣知道這碟酸酸甜甜的橙色東西是什麼，當然樂於解釋。下一味是紅燒排翅，已吩咐要「薄茨」，上檯是可幸茨汁不是很厚。味道不過不失，翅也算不少，湯底都算香濃。始終魚翅是個人覺得最貴又沒有可吃之道的一種食品之一，食佢不如整煲燉湯好過，另一樣就是燕子口水；下一味是炸石斑，食靚魚當然以蒸為最好，但如果魚是養魚，咁成條炸再佐以燒汁都係聰明的
一行五人，三人兩外籍人士，但點菜的責任卻落了在外籍人士身上，因為係佢地做東。先來四小碟，是蜜汁叉燒、蒜泥黃瓜、水煮牛肉及椒鹽豆腐，雖說小碟，但份量都足夠。蜜汁叉燒﹝如圖﹞好有水準，之前都講過度度都有靚叉燒，如西苑的就好正，而呢度都好掂，肉質鬆化，雖然偏甜少少，但話明「蜜汁」，偏甜也無可厚非，還有一半是蜜汁豬頸肉，又是另一種口感，都掂！蒜泥黃瓜幾精緻，味道沒有問題，略嫌整得不太夠爽脆；水煮牛肉麻香味夠，但嚴格來說不太夠辣，不過以鬼佬來說已夠數有突；椒鹽豆腐都唔錯，要了碟桔油來點，老外都好有興趣知道這碟酸酸甜甜的橙色東西是什麼，當然樂於解釋。
下一味是紅燒排翅，已吩咐要「薄茨」，上檯是可幸茨汁不是很厚。味道不過不失，翅也算不少，湯底都算香濃。始終魚翅是個人覺得最貴又沒有可吃之道的一種食品之一，食佢不如整煲燉湯好過，另一樣就是燕子口水；下一味是炸石斑，食靚魚當然以蒸為最好，但如果魚是養魚，咁成條炸再佐以燒汁都係聰明的整法，魚皮炸待香脆，至少中外客人都咁受落，連不吃魚的也可以當是炸魚吃幾口，這裡的都做得不差；接著是豉油雞，用瓦煲上，雞做得入味，都是鮮雞，水準以上；最後是魚湯浸菜及龍蝦天使麵，龍蝦麵聽落不差，不過下了白汁，在單尾時已有點兒膩，可幸份量不多。
也叫了幾個大路點心，如蝦餃、燒賣、春卷等，水準不錯。看過餐牌，收酒店價錢，也是酒店水準的。
餐飯食左兩個幾鐘，唔使我埋單，不過應該好似係一千三百幾，以地方及食物計，還不算很貴。
題外話：呢度係陽明會所內的中菜廳，除了公司客戶外，訂位應該是需要會藉的。
Post
