成都老碼頭火鍋 (Closed)

成日都經過依間位於旺角嘅《成都老碼頭火鍋》，門口有大大個金漆招牌寫住老碼頭，仲用左木門同埋紅色木窗嘅設計，好有宮廷嘅感覺。呢個火鍋店除左環境有特色，係食物方面都有好多我地未食過既食物！自助醬料 $25一定要試下佢地嘅秘製老碼頭香油，加少少可以令到食物更加有油香。其次仲有各式醬料同埋水果可以選擇。首先我就揀左鴛鴦湯底$208，香港風味無渣紅油麻辣湯同埋宮廷藥膳湯+$18。店員話港式風味會冇咁辣，鍾意食辣嘅朋友可以挑戰下成都風味。舌尖上的牛舌 同平時出面嘅牛舌好唔同，佢地嘅比較長身同埋薄切，所以淥一陣就食得，牛肉味濃郁。爽脆牛黃喉唔係度度都食到，白身嘅牛黃喉，食落特別爽脆。滑溜溜鴨血厚切嘅鴨血，淨係睇顏色都知好新鮮。食落真係好滑溜溜，建議同埋紅油麻辣湯一齊煮，會變得更加惹味。高原雪花繡球菌外型有啲似白色嘅雪耳，食落口感都好似，帶點爽脆。老碼頭筷子牛肉肥牛就食得多，好似筷子嘅牛肉就第一次見。上面灑上芝麻，同埋經過秘製香料醃製，帶少少香辣，肉質鮮嫩。黑皮雞樅菇係冰上面插住一枝枝黑皮雞樅菇，食落菌味更加香濃，質感會比平時嘅野菌硬身少少。耗兒魚剝咗皮嘅細魚，骨唔會好多，食落鮮嫩幼滑。總括嚟講可以揀