Jimmy’s Kitchen

Open Now

Now Closed

想搵一間環境舒服嘅地方食飯，喺中環搵到一間成個氛圍幾好嘅，仲有open kitchen 可以睇到廚師們用心準備。一嚟到就會serve個corn bread配海鹽牛油，都幾有驚喜，新鮮熱烘口感鬆軟，唔係平時啲餐包，$58值回票價。之後前菜叫咗鴨肝多士，整體配合得唔錯，再叫咗焗田螺，連埋薯蓉冇得輸。餐湯叫咗紅菜頭羅宋湯，廚師會即席幫你加入sour cream，令到成碗湯味道更加突出，不過我覺得可以再濃啲。主菜方面叫咗egg ravioli, 一切開成個流心蛋會湧出，配埋充滿蛋香嘅雲吞皮，係令人好難忘嘅一碟菜，但就比較細份。另一碟chicken kiev 都係精緻菜式，炸皮香脆，賣相精緻，都可以用嚟打卡，不過就有少少油膩。想食啲菜叫咗個烤蘆筍，配埋啲菇食都幾香口！飲品方面mocktail 都係合乎水準，至於甜品選擇就可以多啲令到成個用餐體驗更完美。總結環境加美食都係值得大家嚟晚餐嘅地方，尤其是係anniversary 嗰啲