La Vista

難得今日冇落雨，天氣咁好仲要有陽光，我哋去東涌撐枱腳，試吓呢間響喜來登酒店裏面嘅一間露天墨西哥菜，企喺門口等帶位時已經感覺到佢哋嘅侍應非常好客，7pm去到餐廳唔係太多客，我哋仲可以揀坐最近海邊嘅一張枱，望住夕陽嘅大銀幕😍忍唔住即刻就要點返杯Sparkling Wine🥂 ，朋友就飲Mojito，見到Menu有超特級沙律SSS-SUPER SALAD 🥗梗係即刻要試吓啦，醬汁配搭好好味，原來裏面有雞肉、青瓜、牛油果、紅蘿蔔、芒果、仙人掌、蜂蜜芥末沙律醬汁，第一次食有紅蘿蔔嘅沙律，估唔到又幾夾喎，食一啖之後都覺得個人健康咗，雞肉串燒 2串CHICKEN SKEWERS 2pcs，火候啱啱好，啲雞肉一啲都唔嚡，而且仲好嫩滑有肉汁添，Buffalo chicken wings 配搭埋嗰個乳酪醬汁少少酸少少甜中和返肥膩嘅口感又係好好味。總括對呢間餐廳非常滿意，OpenRice訂位仲要有八折🤭 而且每位侍應都非常好客！