檳榔島敍

Open Now

Now Closed

星期六晚肥妹仔同肥媽去咗鰂魚涌嗰邊行街，行完街經過呢一間叫做檳榔島聚嘅餐廳，睇落去舖頭細細，位置不多，但係去到晚市時間係滿座！肥妹仔見到入邊嘅裝潢非常之漂亮，好有異國風情，令人非常放鬆，就拉咗肥媽入去。馬來甘香海鮮天使麵 $128肥妹仔見到隔離嘅枱做咗呢一個天使麵望，落去非常豐富，肥妹仔都唔執輸！不過果一日天使麵應該賣晒，所以上枱嘅係轉咗做米粉。佢哋用咗馬拉海鮮醬去炒，非常之鹹香同鮮味，而且有好多蝦乾，非常惹味！肥妹仔好欣賞嘅係佢炒得一啲都唔油膩，配料有好大隻爽口嘅蝦，蜆，魷魚等等，大滿足。檳城福建蝦摻摻 $88肥媽鍾意食湯麵之類，所以叫咗呢一個福建蝦湯麵。佢一上枱嘅時候係一啲油都冇，肥妹仔仲以為應該好淡口！但係飲咗一啖簡直就係驚為天人，非常濃嘅蝦頭味，而且一啲都唔油膩，再加上1匙辣醬，非常之咸鮮，令人哋一口接一口食唔停。喬治城小食拼盤 $138肥妹仔最鍾意食香口野就係人都知，所以肥妹同肥媽就叫咗呢一個小食拼盤！呢個小食拼盤種類有好多，有蝦醬雞翼，一口蝦多士，沙嗲雞肉串，香炸魷魚等等，一次過滿足晒肥妹仔嘅慾望！好食不在話下，最重要係上枱嘅時候非常之熱辣辣，任何東西上枱熱辣辣都係會加分。