大松日 (Closed)

閨蜜同我慶祝生日，帶我嚟食好嘢，平時無咩特別真係好少嚟食，皆因實在太貴了，每個set起碼$280，雖然真係超級好味，但真係唔太捨得食~今日有口福，我當然食我最愛嘅銀雪魚西京燒! 每個set都有精美嘅沙律前菜同蒸蛋，沙律菜稍為味濃咗d，但個蒸蛋就超級滑，入口即溶，正!主角出場，銀鱈魚超級嫩滑唔駛講，廚師燒到剛剛好，少少燶，塊魚皮勁正，我至愛!基本上十分夠味，唔點沙律醬已經好美味!朋友叫咗天婦羅餐，唔同平時d天婦羅，有厚厚嘅粉團包住，而係薄薄一層，加上大大隻蝦，真正皮薄餡正!甜品紅豆雪糕，加埋雪糕筒d脆脆,絕配!