Rimi Cafe (Closed)

旺角登打士廣場出名多樓上Cafe，其中一間係支持💛香港人嘅小店「Rimi Cafe」，所以朋友就提議去幫襯，食個午餐。Cafe環境唔錯，分兩個區域，有一邊好似日式榻榻米嘅裝修，佈滿聖誕裝飾🎄，但要除鞋坐地墊就無咁方便。同時，餐廳位於20樓，望出去嘅景觀好開揚。鮮蝦蒜辣炒天使麵($106/午餐)，🍝意粉造型唔馬虎，味道都唔錯。意粉鋪面有成六隻蝦，幾大隻之餘，口感亦爽彈🦐。天使麵麵條幼身，質感富嚼勁，比起一般意粉好食；調味用蒜辣加埋洋蔥粒同雜菇一齊炒，惹味得嚟又唔會太重口味，如果辣啲就更加正。煙三文魚薄餅($98/單點價)，🍕薄餅直徑長約10吋，都唔算細個，不過佢就係薄批嚟，餅底脆卜卜，有啲似餅乾。大大塊煙三文魚填滿Pizza面，墊底就有大量芝士同茄醬，整體係好夾嘅組合，但茄醬可以輕手少少🍅。芝士焗風琴薯仔($59/單點價)，🥔整風琴薯仔都幾花心思，估唔到呢間Cafe有得食，因為其實喺香港都好少見。原個薯仔中間界開一片片，如風琴形狀，再放上忌廉芝士同煙肉焗製🥓，係經典嘅味道。由於薯仔都大個，所以建議先烚熟再拎去焗會好啲，質感就更軟淋。午餐跟配精選餐湯同蒜茸包🥖，兩樣都唔係行貨。是日餐湯係忌