1986地道越南餐廳 (東寶大樓)

Open Now

Now Closed

一走入 1986 地道越南餐廳，好感度逐漸遞增：地方乾淨企理，年青店員有活力有禮貌，就算係侍客嘅清水，都加咗橙片同青瓜片，零舍好飲。叫咗我最鍾意嘅海防蟹膏湯檬粉，上枱時未除口罩都已經聞到蟹湯嘅香氣，好期待😍。先呷一啖湯，果然入口鮮甜，好正。配料方面，雖然蟹膏唔算多，但係其他例如香菜肉丸，蝦，扎肉，蕃茄，萵筍絲，洋蔥，蔥花，炸蒜片等等總類好多，令到成碗檬粉無論味道還是口感都非常豐富。食下食下，好快就連湯都飲到一滴不剩。我最鍾意試新嘢，所以飲品就叫咗葛根青檸特飲，我對葛根係點樣完全冇概念，估計類似粉葛咁清清甜甜，不過原來比我想像中更甜，唔係我鍾意嘅味道，下次應該要叫返薄荷青檸梳打。