Video
Read full review
2021-05-26
3166 views
同媽咪補祝母親節，book左海洋公園萬豪酒店staycation。去到酒店打完卡，下午遊完水，黃昏係時候喺酒店試埋Prohibition grill and cocktail 扒房嘅晚餐。酒店扒房位置萬豪酒店地下，職員安排左室內座位，不過見到其實有户外座位，應該會更有渡假氣氛，坐喺室外對住泳池。室內燈光比較暗，但暗得黎都算有情調。-當晚叫左兩道主菜、一個小食、兩杯特飲同一個餐後蛋糕。主菜上枱前餐廳送上餐前麵包，麥味香濃，外皮香脆內裡鬆軟，食完仲可以再order。-因為主菜需要等一段時間，所以侍應問我哋要唔要加個餐前小食。最後叫咗個炸雞配薯角，味道適中，炸得香口惹味。-主菜點左紐西蘭羊架同牙魚。羊架5成熟，簡單擺盤簡單調味，已經食到紐西蘭羊輕輕嘅羊羶味，但又唔會太重。-牙魚係最驚喜之作，侍應話牙魚只落海鹽調味，煎得魚皮甘香，肉質嫩滑鮮味，真正食完後個口仲有回甘。-晚餐最後上埋火焰雪山蛋糕，知道我哋補祝節日，特別為媽咪寫咗個母親節快樂朱古力牌😊，而且仲好熱心幫我哋影相。火焰雪山用兩款味道嘅冰凍雪糕同忌廉，配上點左火嘅橙酒倒上去，瞬間見到冰火二重奏嘅效果。-整體而言，餐廳價位的確係高，但佢有
同媽咪補祝母親節，book左海洋公園萬豪酒店staycation。
去到酒店打完卡，下午遊完水，黃昏係時候喺酒店試埋Prohibition grill and cocktail 扒房嘅晚餐。
酒店扒房位置萬豪酒店地下，職員安排左室內座位，不過見到其實有户外座位，應該會更有渡假氣氛，坐喺室外對住泳池。
室內燈光比較暗，但暗得黎都算有情調。
-
當晚叫左兩道主菜、一個小食、兩杯特飲同一個餐後蛋糕。
主菜上枱前餐廳送上餐前麵包，麥味香濃，外皮香脆內裡鬆軟，食完仲可以再order。
129 views
0 likes
0 comments
-
因為主菜需要等一段時間，所以侍應問我哋要唔要加個餐前小食。最後叫咗個炸雞配薯角，味道適中，炸得香口惹味。
-
主菜點左紐西蘭羊架同牙魚。羊架5成熟，簡單擺盤簡單調味，已經食到紐西蘭羊輕輕嘅羊羶味，但又唔會太重。
-
牙魚係最驚喜之作，侍應話牙魚只落海鹽調味，煎得魚皮甘香，肉質嫩滑鮮味，真正食完後個口仲有回甘。
牙魚
72 views
1 likes
0 comments
-
晚餐最後上埋火焰雪山蛋糕，知道我哋補祝節日，特別為媽咪寫咗個母親節快樂朱古力牌😊，而且仲好熱心幫我哋影相。
火焰雪山用兩款味道嘅冰凍雪糕同忌廉，配上點左火嘅橙酒倒上去，瞬間見到冰火二重奏嘅效果。
火焰雪山
137 views
1 likes
0 comments
-
整體而言，餐廳價位的確係高，但佢有返相對嘅服務同質素。
職員好仔細同有耐性咁介紹食物，服務同環境都值回票價。
食物質量十分好，但若只叫一人一份主菜，份量就未必足夠。
Post
