Chilli Lime (形點 I)

Open Now

Now Closed

今日係yoho食東南亞菜，呢到感覺係Bar再mix泰菜，環境好chill ! 豬頸肉前菜黎個燒豬頸肉，咬落好軟糯，唔會韌。豬頸肉側邊位都燒到少少焦，好香口。就算單食唔點醬，都好夠味。馬拉盞炒通菜呢個配搭唔會出錯，好惹味，通菜都唔會炒到淋曬。印尼炒飯好大個!!! 仲有串雞肉串燒，雞肉滑身，炭燒味重!入面 有雞肉粒及大大隻蝦，蝦好爽口彈牙。飯既調味我都好鐘意，好香! 隻蛋仲要煎得好靚，有燶邊! 泰奶呢到泰奶係自己落糖漿，岩曬鐘意飲泰奶，又怕太甜既人。芒果糯米飯D芒果多到嚇親，平時出面食可能得1 半呢到既芒果量。芒果好甜，仲有3色糯米飯，最鐘意蝶豆花味!