Video
Read full review
2011-04-10
17 views
因為之前已經book咗枱, 所以唔洗等就入得. 我地book咗outdoor, 貪佢可以望到維港view, 氣氛應該唔錯. 個侍應帶我地入去個時, 直望真係幾OK, 起碼見到維港, 不過如果望左, 右, 同後面, 其實係俾D高樓大廈包圍住!!! 雖然環境幾得, 但對於食物同服務質素就有所保留!!!首先, 個侍應帶咗我去個位度, 冇幫我拉開張櫈, 唔緊要, 我自己拉, 不過張櫈後面放咗個成半個人高既花盆, 我拉到盡, 張櫈同枱既距離都唔知有冇2吋, 更瘦既人都涉唔到落去啦, 於是我要推前少少張枱, 然後慢慢咁涉入去!!! 坐咗一陣, 冇人拎menu俾我地, 水都冇杯, 於是又要自己搵人埋嚟, 不過D侍應好似個個都睇你唔到, 聽你唔到咁, 冇人應, 雖然係星期六, 但我見個場一D都唔full, 終於有人行過, 即刻捉住佢, 叫佢拎menu同兩杯水.不過個侍應冇問我地飲唔飲嘢, drink list都冇俾我地... 雖然呢間嘢係食意大利嘢, 不過佢都有D好似串燒既嘢食. 我見到有雞皮, 即刻叫返個嚟試, 因為整得好食既雞皮真係冇乜邊間, 點知賣哂, 可惜...等左一陣, 有個侍應拎咗籃麵包俾
首先, 個侍應帶咗我去個位度, 冇幫我拉開張櫈, 唔緊要, 我自己拉, 不過張櫈後面放咗個成半個人高既花盆, 我拉到盡, 張櫈同枱既距離都唔知有冇2吋, 更瘦既人都涉唔到落去啦, 於是我要推前少少張枱, 然後慢慢咁涉入去!!! 坐咗一陣, 冇人拎menu俾我地, 水都冇杯, 於是又要自己搵人埋嚟, 不過D侍應好似個個都睇你唔到, 聽你唔到咁, 冇人應, 雖然係星期六, 但我見個場一D都唔full, 終於有人行過, 即刻捉住佢, 叫佢拎menu同兩杯水.不過個侍應冇問我地飲唔飲嘢, drink list都冇俾我地... 雖然呢間嘢係食意大利嘢, 不過佢都有D好似串燒既嘢食. 我見到有雞皮, 即刻叫返個嚟試, 因為整得好食既雞皮真係冇乜邊間, 點知賣哂, 可惜...等左一陣, 有個侍應拎咗籃麵包俾我地, 之後D野食都嚟lu!!!
麵包: 一般, 冇乜特別, 佢有一個醬同牛油跟, 個牛油D味淡得滯, 個醬試極都唔知係咩味, 當然想搵個人問下都搵唔到啦!!!
三文魚薄片(starter): 呢個我幾中意食, 係成晚最好味既一個. 好味係因為個SAUCE, 酸酸地, 幾開胃. 不過D三文魚同我係惠康買現成既煙三文魚冇分別!
Sweet melon+Parma Ham(starter): 哈蜜瓜好甜, 整體OK!
Mushroom Soup: 飲到有Mushroom茸, 不過略嫌個味唔夠; 聞落幾香, 食落冇味!
羊柳(Main Course): 因為我唔食羊, 所以冇試, 不過我老公話"OK啦!", 即係只係OK, 唔係"好食"!
燒雞卷(Main Course): D雞肉整得唔"un", 都係冇乜味, 唔夠突出!
總結: 所有食物份量超小, 雖然唔係叫左好多嘢食, 不過食完好似冇食過嘢咁! 以呢個價錢, 呢D食物同服務質素真係麻麻...有D失望...
一定冇下次!!!
Post