Video
Read full review
2020-11-28
37 views
放工嚟食呢間西班牙菜嘅bar，環境幾好，同朋友吹下水、食下嘢、飲返杯～Tapa係西班牙文小食嘅意思，有分cold tapas同埋hot tapas😉·✨薄切慢煮八爪魚🐙 $78真係薄切，每塊食落都彈牙，配面頭嘅甜甜酸酸嘅醬汁幾滋味，不過小食嚟講份量睇落偏少呀·✨西班牙火腿及蜜糖茄子卷 $58西班牙火腿大塊，充滿鹹香味茄子🍆切到好薄，睇餐牌先知原來係茄子😝火腿同茄子包住好多菜，伴有黑醋，酸酸甜甜·✨棒棒鵝肝 $78凍食嘅，成粒鵝肝，應該同啲芝士mix埋一齊，口感係creamy但唔係油個隻，偏鹹，重口味，配以開心果碎一齊食冇咁漏記得分開一細啖啖咁食，或者同其他小食一齊食，如果成粒食應該會太鹹🙈·✨太陽蛋、西班牙火腿、炸薯條 $58薯條係用原隻薯仔🥔，粗薯正👍🏻份量唔算多🙃個醬係蒜茸蛋黃醬，點薯條食啱哂🤤隻太陽蛋都煎得好靚，篤穿仲係流心西班牙火腿偏鹹，同薯條一齊食唔係太夾😅·✨西班牙黑毛豬肉丸伴烤甜椒醬 $78外面個口感偏脆身，係不錯既 入口食落就覺得有點乾，可能點多醬好啲🤣·✨烤煎慢煮西班牙黑毛豬鞍架 配些厘醋燒汁伴烤薯粒 $158賣相唔錯，塊黑毛豬好厚身好吸引，聞落都好香🥰切開入面睇佢幾
放工嚟食呢間西班牙菜嘅bar，環境幾好，同朋友吹下水、食下嘢、飲返杯～Tapa係西班牙文小食嘅意思，有分cold tapas同埋hot tapas😉
·
✨薄切慢煮八爪魚🐙 $78真係薄切，每塊食落都彈牙，配面頭嘅甜甜酸酸嘅醬汁幾滋味，不過小食嚟講份量睇落偏少呀
·
✨西班牙火腿及蜜糖茄子卷 $58西班牙火腿大塊，充滿鹹香味
茄子🍆切到好薄，睇餐牌先知原來係茄子😝
火腿同茄子包住好多菜，伴有黑醋，酸酸甜甜
·
✨棒棒鵝肝 $78凍食嘅，成粒鵝肝，應該同啲芝士mix埋一齊，口感係creamy但唔係油個隻，偏鹹，重口味，配以開心果碎一齊食冇咁漏
記得分開一細啖啖咁食，或者同其他小食一齊食，如果成粒食應該會太鹹🙈
·
✨太陽蛋、西班牙火腿、炸薯條 $58薯條係用原隻薯仔🥔，粗薯正👍🏻份量唔算多🙃
個醬係蒜茸蛋黃醬，點薯條食啱哂🤤
隻太陽蛋都煎得好靚，篤穿仲係流心
西班牙火腿偏鹹，同薯條一齊食唔係太夾😅
·
✨西班牙黑毛豬肉丸伴烤甜椒醬 $78外面個口感偏脆身，係不錯既
入口食落就覺得有點乾，可能點多醬好啲🤣
·
✨烤煎慢煮西班牙黑毛豬鞍架 配些厘醋燒汁伴烤薯粒 $158賣相唔錯，塊黑毛豬好厚身好吸引，聞落都好香🥰
切開入面睇佢幾靚😍，仲有少少粉紅色，食落口感爽得嚟又夠腍同嫩，一啲都唔會韌，略嫌邊邊有啲肥膏位就冇食到
烤薯粒份量都好多，都腍嘅，唔怕唔夠飽啦😬
·
✨Ginger Dog🍸
Copper Dog Whisky 🥃 x Ginger ale
·
✨Copper Dog Orange🍸
Copper Dog Whisky 🥃 x Orange juice🍊
我飲嘅呢杯，兩杯都易入口，酒精唔會太多😆
·
🌟整體賣相、味道、環境、價錢都不錯，啱哂兩三個朋友嚟chill下放鬆下，可以一試😚😚
Post
