瓏門冰室 (Closed)

大清早要喺尖東開會，於是會前喺附近先祭五臟廟。之前去過相同冰室嘅其他分店，印象「難忘」。不過聽朋友說餐廳改善了許多。於是便膽粗粗再試。早餐叫了蜜汁叉燒湯意粉，煎雙蛋加奶醬厚多士。煎雙蛋做到太陽蛋效果，仲有少許燶邊，收貨。奶醬厚多士麵包質素有驚喜。叉燒湯意粉，叉燒半肥瘦，蜜汁甜到剛剛好。意粉不會過淋，湯頭夠濃但不過鹹。說實話，其實質素大有改善。$38絕對收貨。希望餐廳能夠將此質素繼續保持。一定會再幫襯。