食味館

Open Now

Now Closed

工廈其實都可以發掘到美食，荃灣依間「食味館」，位於灰窯角街，雖然地理位置比較偏遠，但食物出品唔錯，所以都幾高CP值。避風塘炒蟹（單點$時價），肉蟹肉質飽滿，口感帶有一絲絲，食落啖啖肉、好Juicy，味道鮮甜，配以炸蒜、芫荽、香蔥、乾辣椒食用，味道惹味，蟹膏味道甘香，配飯食用一流。椒鹽九肚魚（單點$98），炸漿口感薄脆，九肚魚肉質嫩滑，食落鮮味十足，配以喼汁食用，味道更佳，略嫌椒鹽味道稍為遜色，令整體味道食落不夠香口，配料包括有辣椒、炸蒜、香蔥。蒜蓉時蔬（單點$88），蒜蓉炒小白菜，食落好新鮮，蒜香味濃。白飯（兩碗$24），飯粒口感粒粒分明。凍朱古力（單點$20），朱古力味道濃郁，甜度適中。凍杏仁霜（單點$20），口感幼滑，杏仁味道香濃。