Video
Read full review
2018-02-02
1092 views
行完「小夏威夷徑」，嚟到寶琳，亦晌新都城嘅「OK德海南雞專門店」食埋晏，理應打道回府，不過，有人提議去「聰嫂」食埋碗糖水先走，咁……跟大隊啦，反正我都無所謂嘅。環境就唔多講，因為晌外邊已可以睇晒，再者，裡面真喺幾逼，我哋一行6人都喺啱啱好近門口有張枱拍埋夠我哋坐晒。有咩食？門口一大張餐牌已經印咗出嚟，亦可以晌店內慢慢睇佢個正式餐牌。杏仁合桃露 $22其實喺合桃露倒入杏汁，依家嘅中式糖水已經可以左溝右溝啦，杏仁配合桃，友人話味道有點怪，唔算難食，但覺得唔夾。芝麻合桃露 $22對比杏仁合桃露，友人就話呢個就夾好多，尤其兩款都喺糊狀物，質感較協調，但明顯啲芝麻糊就少得可憐，合桃香味佔晒上風。綠豆沙 $18其中一位朋友喺傳統派，海帶綠豆沙就啱晒佢喇，更好嘅喺無加香草（佢意思應該喺指臭草），佢話就仲合佢心水。啲綠豆沙煮得都算起沙，而且少甜，唔錯，亦喺最穩陣嘅一道甜點。鮮奶椰汁芋頭西米露 $22又鮮奶，又椰汁，印象中落後者嘅居多。芋頭入口都夠粉，椰汁就令個汁底更香甜，不過，老友就嫌西米手緊落得少，好似飲奶咁。薑汁鮮奶燉蛋白 $27燉蛋白一向都考功夫，所以，小弟就揀呢個熱食嘅薑汁鮮奶燉蛋白，一上到枱
環境就唔多講，因為晌外邊已可以睇晒，再者，裡面真喺幾逼，我哋一行6人都喺啱啱好近門口有張枱拍埋夠我哋坐晒。
有咩食？門口一大張餐牌已經印咗出嚟，亦可以晌店內慢慢睇佢個正式餐牌。
杏仁合桃露 $22其實喺合桃露倒入杏汁，依家嘅中式糖水已經可以左溝右溝啦，杏仁配合桃，友人話味道有點怪，唔算難食，但覺得唔夾。
芝麻合桃露 $22對比杏仁合桃露，友人就話呢個就夾好多，尤其兩款都喺糊狀物，質感較協調，但明顯啲芝麻糊就少得可憐，合桃香味佔晒上風。
綠豆沙 $18其中一位朋友喺傳統派，海帶綠豆沙就啱晒佢喇，更好嘅喺無加香草（佢意思應該喺指臭草），佢話就仲合佢心水。啲綠豆沙煮得都算起沙，而且少甜，唔錯，亦喺最穩陣嘅一道甜點。
鮮奶椰汁芋頭西米露 $22又鮮奶，又椰汁，印象中落後者嘅居多。芋頭入口都夠粉，椰汁就令個汁底更香甜，不過，老友就嫌西米手緊落得少，好似飲奶咁。
薑汁鮮奶燉蛋白 $27燉蛋白一向都考功夫，所以，小弟就揀呢個熱食嘅薑汁鮮奶燉蛋白，一上到枱睇見表面異常表滑，仲心諗啲燉蛋白一定超滑，點知滔一羹，表層水汪汪。原來佢哋嘅做法喺燉蛋白晌底，面層喺薑汁鮮奶，一滔起啲蛋白（雖則燉得燉滑），啲薑汁鮮奶都瀉走晒啦（薑汁有渣），近乎蛋白還蛋白咁食，鮮奶還解奶咁飲，融唔為一體。
而且，燉蛋白嘅份量得好少，食完睇番條「界」就知，得2/3左右，可以講有1/3喺薑汁鮮奶，敢問一句，啲人點呢道甜品喺「食」燉蛋白，定諗住「飲」薑汁鮮奶。所以，完全唔鍾意呢個做法。俾個「OK」佢，基於以上兩個原因。
嘢食就麻麻，最好反而喺招呼我哋嘅阿姐，有講有笑又玩得。真想同阿姐講，個燉蛋白唔喺好得，但言不由衷，吞番句說話。
Post
