聰嫂私房甜品 (Closed)

好耐無食過聰嫂，發現原來而家人流唔多，完全唔洗等位就可以入去食。款式正路，都算幾多既。以前成日食龍眼冰。而家大左，又無咁想食冰既野。老公要左薑汁芒果豆腐花，我就決定要個芝麻糊燉蛋白。芝麻糊燉蛋白幾好食既，不過都無太大驚喜。蛋白幾滑，芝麻糊唔會太甜。老公既薑汁芒果豆腐花就認真地好麻麻。薑汁味係幾濃既，不過同芒果好似唔太夾，加上凍凍地既薑汁又好似有啲怪。不過豆腐花算滑，芒果都幾甜，不過後好少片。搞到老公係咁偷我個甜品食。

自小光顧無數次的甜品店，當附近的新開甜品店林立後，反而少吃了，今次決定去懷念一下舊時的味道。鮮雜果西米 因為很少吃蔬果，又怕胖的關係，所以點了鮮雜果。雜果的種類挺多，香蕉、蜜瓜、哈蜜瓜、西瓜、還有一顆小士多啤梨。士多啤梨太小了，如果大顆點會更好鮮果挺新鮮，剛好都是自己喜歡的沒有太多汁，只有一些芒果汁，感覺沒有那麼會易發胖，但又吃到甜的西米有點少，而且有點過稀，沒有什麼口感芒果布甸 配上花奶後，布甸有點過甜很多芒果粒口感適中，不會太硬

好耐冇嚟聰嫂甜品喇 , 假日大概10:00 pm 嚟到 , 超多人呀 😲😲 , 係門口排咗一陣先入到去餐牌 :龍眼椰果冰 ($39)每次必點而且超級推介 !!! 超好食 !!龍眼味清香 , 一啲都唔假 🤤🤤 , 而且仲有啲龍眼肉係入面增加口感 椰香味都好濃 , 加埋粒粒椰果一齊食 , 好夾 , 好好食 , 真心推介比大家 🤗🤗芒果龍眼冰 ($39)以前嚟到會嗌蜜瓜西米露 , 不過今次想轉轉口味 , 試咗佢哋嘅芒果龍眼冰 可惜麻麻地 , 好大原因係因為個芒果偏酸 😧😧 , 而且個人覺得芒果同椰果唔係好夾本身係配爆珠 , 我地改左配西米露 , 最鍾意將西米露放落去冰底 ,等佢凍到變硬 , 一粒粒咬下咬下最好食 😁😁

每逢星期六夜晚都會買糖水翻屋企食我每次都會揀聰嫂龍眼冰同芒果雙皮奶都係我最愛，龍眼冰有粒粒果肉係入面味道更濃夏天食岩曬，而芒果雙皮奶啲芒果好甜，一淡芒果一淡豆腐花最後芒花布甸一般

係新都城想食糖水甜品其實都算多選擇，有聰嫂、松記同小方糖三方鼎立。三間所提供的糖水甜品都各有特色；如果想食傳統糖水會揀松記；如果想食西式甜品，心太軟/拿破倫又或者綿綿冰會揀小方糖，如果想食新派糖水，尤其是想食榴槤甜品，則會揀聰嫂。聰嫂對比起另外兩間甜品糖水店，款式比較少，但款式多寡唔係重點，整得好食自然會有人嚟。要數好食嘅榴槤甜品一定係聰嫂，呢度嘅榴槤甜品出名榴槤味最濃，而且係呢度食榴槤唔洗受季節影響，一年四季想幾時食就幾時食。榴槤水晶珠：中間的榴槤果肉是冰過後拿出來的，與水晶珠一齊食口感很有趣，可以食到一絲絲的果肉，又有點食冰的感覺。重點是榴槤味道好濃列，一打開外賣蓋，整間屋都聞到香濃的榴槤味❤✨✨絕對要推薦給榴槤愛好者✨✨

喺將軍澳來講充數都好出名，不過價錢就略嫌貴咗啲。好彩都有一啲平價嘅糖水例如紅豆沙綠豆沙腐竹糖水等等今日走去買咗碗腐竹糖水，性價比都高20幾蚊一碗。相信都係市區難買到的了：）我都係希望將軍澳開多啲平民嘅食肆因為真係選擇好少又貴

平時係旺角，銅鑼灣經過聰嫂甜品都無幫襯，因為同一款糖水同將軍澳既聰嫂相比可以相差十幾蚊，不過都知原因，因爲租貴無辦法。🤷🏻‍♂️ 🤷🏻‍♂️不過今日難得入到嚟將軍澳，梗係要食下聰嫂甜品啦，記得對上一次食都已經係一年有多，果時食榴槤水晶珠同龍眼椰果冰，感覺都唔錯幾出色。榴槤水晶珠 ($45) : 榴槤蓉下面就係榴槤味既沙冰同水晶珠，成個糖水味道都好濃好有榴槤味，而且都大碗同幾足料，超好食 😋 😋 😋

久唔久就會好掛住聰嫂既龍眼椰果冰真係可以話係我食過最好味既糖水龍眼味完全唔假，應該係用真既龍眼肉做味道好清甜而且好夠冰，唔會好快溶真係好岩夏天熱既時候食！雖然而家加左價，但絕對會encore

由於搬左屋關係，好小再返過去寶琳呢邊。今日難得放假，去左新都城行街，仲可以食到好耐無食過既聰嫂添！一行到入去已經覺得變左好多，一年前去食糖水既時候每次一到夜晚都要排隊拎飛，而且仲要等一段時間添。今日去到竟然間鋪擴闊左好多，多左好多位，而且仲好寬敞添！之後嗌左個龍眼椰果冰，果然無令我失望！龍眼味相當濃，而且好多龍眼肉，個冰唔會只係得水味，而係好重龍眼味！之後仲嗌左個芒果pancake,佢個忌廉唔會太流，而且芒果酸酸地，同個忌廉味好夾好好味！

呢間聰嫂近地鐵站。做完運動，又行到身水身汗。當然係食番碗涼透心既甜品啦。一諗，就諗起聰嫂。每次見到餐牌，都會選擇困難症發作既時候。雖然每次都想試新野，但最終都係揀番芒果奶昔雙皮奶，無他既，好食，又一次過滿足晒我食芒果、奶同甜品既願望。今次仲加d新意，叫多左碗西米。自己加落去。每次食都有咁既感覺，今次都唔例外。出面熱死辣辣，食碗真係雪到凍一凍既甜品，即刻透心涼。不過，今次個碗可能雪耐左，食到有d冰。下面雙皮奶既感覺仍然好甜，好岩我胃口。始終唔係雙皮奶專門店，唔能夠期待超高水準。但能夠同時將芒果、雙皮奶、奶昔製作成一款甜品，而水準唔錯，滿記係幾好既。要讚一讚侍應，服務周到。

聰嫂嘅甜品已經唔係第一次食， 最得我嘅歡心依然係佢嘅龍眼椰果冰，當年一試難忘嘅甜品。今日喺將軍澳食完晚飯，時間又尚早，又走去食番碗龍眼冰啦，睇下佢水準保唔保持到先。鋪頭既座位都幾多， 而且時間尚早，所以大把位可以揀。坐低之後睇咗陣個餐牌，我都係決定食番我最鍾意嘅龍眼冰，而朋友就揀咗芋頭西米露。好啦 ，上枱喇影完相，即刻食咗一啖!都依然係咁清新香甜，水準不變😍。龍眼冰加埋上面嘅水晶珠同椰果， 口感非常之好，爽爽脆脆咁樣， 一口接一囗，食唔停口。 加上頭先個晚餐有啲飽滯，食番個清新嘅甜品真係好解滯。朋友嘅芋頭西米露唔會太甜, 都好味的。

早幾日同呀哥返將軍澳探兩老，響屋企食完晚飯就落左寶琳食甜品，呢間聰嫂我食左幾次，我都係獨孤一味食一樣野，就係龍眼冰😋皆因真係好味到極點👍不過下次我都會試吓榴槤冰同埋豆腐花😋

今日試吓用新app嗌外賣，於是就試吓買糖水食。今次點左個榴槤水晶珠，雖然外賣但都夠晒冰凍。每一啖都食到榴槤嘅味道，有榴槤肉，有沙冰，口感層次非常豐富。甜味亦10分恰當，絕對係一款創新而且美味嘅甜品。

店舖內大而開揚，坐得舒服。楊枝甘露濃郁的鮮甜的芒果汁再加點椰汁，有滿滿的芒果粒粒，沙田柚粒粒卜卜脆，還有細細粒的西米，冰凍的，很有質感，算是大份，食后感覺飽飽，足料。黑芝麻糊夠熱騰騰，黑芝麻味頗重，但頗為杰了一點。食后感 : 凍食甜品比熱食甜品較為出色，質量跟以前的差不多。

來到聰嫂，由於擴張，座位現在多了，所以不用等位就有得坐，點了杏仁核桃糊，朋友點了蕃薯湯水，雖然人多，但等咗一陣就有得食。朋友話蕃薯湯水一般，而杏仁核桃糊幾香，可以聞到杏仁的香味，核桃糊的濃度剛好，幾滑口。熱度也剛好。