阿土伯鹽水雞 (Closed)

成日都覺得荔枝角冇嘢好食，原來D2 place有呢間細細哋嘅台灣菜。星期日下晝2點左右去，好彩都有位堂食。叫咗個皇牌套餐，有肉燥飯同埋1/4隻鹹水雞，另外揀嘅小菜係甜不辣、凍豆腐，飲品我揀咗凍珍珠奶茶（+$4），總共$69。肉燥飯都唔錯，食完都夠飽肚。另外一位朋友叫咗拉麵，試咗一啖覺得都幾好食，不過麵會撈埋落啲小菜度，唔知係咪心理作用，覺得食飯應該會飽肚啲🤣平時少食開台灣菜，唔知個凍豆腐原來唔係滑滑哋嗰種，同預期有少少落差。甜不辣嘅口感就幾正，幾好嚼。雞嘅份量都真係唔少，唔會得兩三塊咁吝嗇。總體嚟講都幾鍾意。