甜入心 (淘大商場) (Closed)

好日都吾去一次九龍灣，戈日咁啱去開九龍灣食野同埋行吓淘大商場，野又食完，街又行完之際，女士們通常都最興搵啲甜品食我自己當然都吾例外。喺淘大戈度行行下就見到一間叫甜入心嘅糖水店，見到個名都幾特別，同埋openrice有吾少人推介，決定真系去試吓。晚上時分都幾多人排隊睇黎食店真系有一定嘅名氣，要去嘅時候就預留時間，不過呢家夜晚堂食只開放到9點，食完晚餐仲要等咁耐食甜品可能趕咗啲🙈裡面嘅環境都幾靚，叫得甜入心真系有心心嘅裝飾店內嘅裝潢亦以粉紅色為主，好有少女心💗就咁睇餐牌，已經知道食店系以椰皇甜品為主題，真系好吸引！我本身都好中意食椰皇類嘅甜品🤤夏天食嘅感覺會更清新。另外仲有傳統冰糖系、冰汁系、烘焙類等等，選擇都幾多元化。呢度以椰皇類甜品為主，緊系不忘叫黎試吓🤤裏面嘅材料非常豐富，有芋圓、小丸子、湯圓、鮮奶椰皇，樣樣都超好食😍芋圓同小丸子啱曬我呢啲煙韌控！湯圓嘅餡都好足料，夠曬大粒，鮮奶椰皇清甜又好味。男朋友就叫咗另一款，呢款以焦糖布丁為主，不過同上一款一樣有鮮奶椰皇，焦糖布丁質感Q彈，甜甜哋又爽滑，連埋鮮奶椰皇食都好好食😋入面系有好多椰皇凍，份量方面毫不吝嗇，椰子味超濃郁啱曬我呢啲椰子控🥥