甜入心 (Closed)

同同事0係九龍灣食完飯，又到甜品時間！食糖水梗係揀甜入心啦，試過佢地幾間分店水準都唔錯，但淘大店就未試過，今日終於可以一試一坐低店員姐姐就拎左啲餐牌俾我地睇，好多選擇，真係花多眼亂呀！店員姐姐見我地咁苦惱，忍唔住行埋黎推介我地食椰皇系列，都算係佢地既招牌甜品，一於聽姐姐講，叫個招牌甜品先！咖啡布丁椰皇子呢個甜品可以揀凍/暖暖地，咁凍既天氣，梗係揀暖暖地啦，哈哈！店員姐姐一放低已經聞到好香既椰子味，飲落去暖暖地，感覺非常好，好鍋心！ 椰汁味好濃，上面既焦糖布丁軟綿綿好滑，又唔會太甜！椰汁配埋啲咖啡方果黎食更加滋味，椰汁可以中和左咖啡方果果陣濃味！底層仲有由椰青水做既果凍，口感好似啫哩咁，幾得意！同事就叫左芒果出浴椰皇子，呢個擺明同我果個椰皇子係兩兄弟啦！呢個出浴椰皇子分別係冇左個椰殼，但入面仍然有椰皇肉，啫哩都係用椰汁做成，都係一樣咁香椰味！而芒果酸酸地，配上小丸子一齊食更加滋味！