四季文昌 (Closed)

聽聞而家國內好興食呢一種椰子雞火鍋， 我自己都係第一次食，呢間火鍋店就響太子附近，響地下上2樓。新裝修，環境都好寬敞好大！來到呢一度點可以唔叫椰子雞火鍋？椰子湯需要先煲熱，入邊仲有真椰肉！煲嘅時候已經好香！職員介紹呢度嘅雞真係來自海南島！所以好滑！雞吸收左椰子湯底，好甜！未試過原來火鍋嘅雞可以比白切雞更加滑！雞嘅脂肪唔算多，所以煲熱之後都唔太多油！反而個湯底好甜！我同朋友都完全飲晒！飲完椰子雞湯職員就變成蕃茄湯底。蕃茄湯底連埋呢一盤麵包蟹海鮮！材料好多！大蜆好甜！青口同埋蔬菜都好好食！放落番茄湯底煲一流！呢一個豬手好特別，用沙薑制成！好惹味！呢度嘅貢丸亦都好彈牙！好食！山形A5和牛肉肩牛味又香又重！脂肪分布好均勻！入口脂肪好香！但又唔會太肥！超高質素！安格斯牛小排都唔錯，脂肪比牛肩脊多少少，但係會有入口即溶嘅感覺。牛味好香！呢度無論海鮮同埋牛肉再加埋湯底每一樣食物都好出色，希望下次多啲人嚟試多啲嘢！