糖仁街 (Closed)

下午茶果陣肚餓想食少少野，朋友話不如去食甜品，所以就帶左我黎呢度。之前晌厚福街果陣時食過幾次，原來佢上個月就搬左黎山林道，不過地方就比較隱蔽，最好係晌天文台圍行入去就容易D。我地叫左一個焦糖燉蛋同埋炸墨魚丸，墨魚丸岩岩炸好，新鮮熱辣，裡面有粒粒墨魚肉，都幾彈牙，唔錯。焦糖燉蛋用心形既杯，賣相幾靚，入口都幾滑，又有蛋味，食落唔會太甜。下午茶都係想食多D鹹食，所以再追加左一客咖喱魚蛋，魚蛋幾彈牙，咖喱汁有椰香味，如果再辣D就更加好。下次如果食完飯想晌尖沙咀食甜品既話，會黎多一次試下其他甜品。