大飯糖甜品小食屋 (Moved) New Location

今日放工同友人到洪水橋搵食，見到呢間糖水鋪甜品好吸引，又有熱食，就決定入去試下。 一開始先點了一個咖哩魷魚拼盤、腸粉燒賣同西瓜汁。咖哩魷魚 超級讚呢份咖哩魷魚唔單止份量多，夠兩個人食，重點係咖哩汁超好味，唔係平淡稀身果隻咖哩汁，配埋鮮甜羅白，好味！而且魷魚好入味爽口，黑椒牛丸都好味！而腸粉燒賣同西瓜汁就不過不失。由於未飽於是忍唔住再encore 咖哩魷魚同牛丸，再加兩個甜品焦糖燉蛋同心太軟配3.6軟雪糕。焦糖燉蛋 十分有驚喜估唔到小店但咁用心整甜品，面頭層焦糖唔會太厚太甜，剛剛好薄薄一層脆片，而入面既燉蛋唔係用精油，而係用雲呢拿籽整，味道更香口，口感都好滑好Cream，值得一試！而心太軟match 3.6軟雪糕，都好味！心太軟做到流心效果，流心配軟雪糕十分夾，讚！楊枝甘露芒果份量好夠 芒果都幾甜 有西米同碌柚，味道不俗整體都好滿意，而且店員好細心，主動提供兩隻叉比我地。