Video
Read full review
2017-04-30
770 views
活動到左尾聲，黎到最後一間餐廳 - 《星航圖咖啡館》，佢位於酒店正中央，座擁南中國海海景及酒店園景，邊品嚐甜品邊欣賞景色，甚是愜意！而且你亦可以隔住玻璃欣賞師傳整餅過程，現時仲有多款迪士尼特色蛋糕訂添，訂一整個大約$700-1000不等，需要72小時前預訂及親身到酒店提取，如在酒店餐廳享用則免切餅費！睇完一輪之後，就到賴生同屈小姐期待已久既重頭戲啦⋯⋯《甜品之夜》，可以食到多款咖啡室提供既甜品啦第一樣我地試既⋯就係迪士尼自家製既gelato!雜莓三色Gelato杯:⭐️⭐️⭐️呢杯Gelato有3球，分別係士多啤梨、雲呢嗱同朱古力，仲淋上多重雜莓醬同配埋一隻印有米奇而且食得既既朱古力匙羮添！想要其他Toppings仲可以去自助Bar自己任加添！雜莓全部都好新鮮呀！帶有獨特既莓酸，好襯杯雪糕，個Waffle亦十分脆口，係比較厚身果種（食哂其實都幾飽），雪糕就口感順滑，如果味道可以再濃啲，一定更加出色！朱古力匙羮幾有心思，岩哂影相，實際食落就係好硬身而且無咩味既（懷疑真係可以用尼畢雪糕食）之後我地就轉戰蛋糕啦！1）米奇老鼠造型蛋糕（Tiramisu)（左）：⭐️⭐️⭐️⭐️⭐️單是造型同設計，已經可見師傳
而且你亦可以隔住玻璃欣賞師傳整餅過程，現時仲有多款迪士尼特色蛋糕訂添，訂一整個大約$700-1000不等，需要72小時前預訂及親身到酒店提取，如在酒店餐廳享用則免切餅費！
睇完一輪之後，就到賴生同屈小姐期待已久既重頭戲啦⋯⋯《甜品之夜》，可以食到多款咖啡室提供既甜品啦第一樣我地試既⋯就係迪士尼自家製既gelato!
Gelato
46 views
0 likes
0 comments
呢杯Gelato有3球，分別係士多啤梨、雲呢嗱同朱古力，仲淋上多重雜莓醬同配埋一隻印有米奇而且食得既既朱古力匙羮添！
想要其他Toppings仲可以去自助Bar自己任加添！雜莓全部都好新鮮呀！帶有獨特既莓酸，好襯杯雪糕，個Waffle亦十分脆口，係比較厚身果種（食哂其實都幾飽），雪糕就口感順滑，如果味道可以再濃啲，一定更加出色！
朱古力匙羮幾有心思，岩哂影相，實際食落就係好硬身而且無咩味既（懷疑真係可以用尼畢雪糕食）
之後我地就轉戰蛋糕啦！
米奇老鼠造型蛋糕（Tiramisu)（左），藍莓熱情果蛋糕（中），芒果玫瑰Cupcake（右）
63 views
0 likes
0 comments
單是造型同設計，已經可見師傳既用心，佢首先用黑白朱古力做好米奇外型，皮帶位置用上芒果味糖膠相連，而整件蛋糕可以打開，中間收藏一球圓形既Tiramisu，單是造型及玩味已經拎滿分
而且Tiramisu既口感順滑，咖啡味濃香，入口滲出淡淡既酒味，無論味道同賣相都極其出色
2）藍莓熱情果蛋糕（中）：⭐️⭐️⭐️
鋪面既藍莓粒粒都好甜好實淨呀！係靚藍莓黎，對於愛好生果既我地，岩晒！
而外層用朱古力圓筒包住，入面收藏熱情果蛋糕，配合藍莓既甜味，酸酸甜甜，蛋糕軟綿，相當不錯
3）芒果玫瑰Cupcake（右）: ⭐️⭐️
造型都好靚，將芒果鋪成玫瑰花外型，而芒果都好甜好食！只係底部cup cake比較濕⋯有少少黏口，有改善空間
指南針造型朱古力軟心撻（左），行李箱造型咖啡朱古力蛋糕（右前），忌廉芝士撻（右後）
59 views
0 likes
0 comments
此款蛋糕口感不錯，外層有朱古力味撻皮，比較硬身同實，內有朱古心軟心蛋糕，佢既朱古力味濃得尼調得比較甜，適合大眾口味！（連唔食朱古力既賴生都食左幾啖）
5）行李箱造型咖啡朱古力蛋糕（右前）：⭐️⭐️
行李箱造型好獨特有心思，配合酒店主題，打開由朱古力皮造成既行李箱外層後，就見到個咖啡朱古力蛋糕，就肉眼所見，咖啡朱古力蛋糕有超過5層，蛋糕口感比較實，食落口咖啡味一湧而上，喜愛咖啡既你，一定會鍾意
6）忌廉芝士撻（右後）：⭐️⭐️
外型最爲踏實既蛋糕，中心部份入口軟綿，面層Cream比較厚重，好Cream之人必選！
米妮造型蛋糕（野莓朱古力Mousse)
77 views
0 likes
0 comments
米妮造型蛋糕同米奇造型蛋糕一樣可愛動人，淨係外型已經俘虜左唔少在場女士，而且師傅既花左好多心思係味道既設計上！
佢係一個朱古力mousse蛋糕，包住中心少量蛋白mousse，最外層再淋上好杰身既Raspberry 醬，配搭糖膠造成既米妮圓形點點裝飾，蛋糕底部巧妙地配上超濃味朱古力蛋糕（係比較紥實，似brownie果種），整個蛋糕味道層次十足，先是Raspberry 醬既酸，再食到糖膠既甜味，隨之而黎既係滑溜既朱古力Mousse，再食到淡淡既蛋白甜香，中和番Raspberry 醬既酸味，最後以濃郁朱古力味作結，好一個奇幻既味蕾冒險！
整體而言: 蛋糕外型有心思！影相一流，特別係米奇及米妮造型蛋糕！
#一聽到甜品之夜就興奮莫名
#價錢不詳
#多謝Openrice
#純粹以食物及環境作評分
#毫無額外加分
#肥死啦肥死啦
Post
