嘉多娜餅屋

Open Now

Now Closed

今日食飯時間係三點三，食完野之後，同事話去買甜品，咁我就跟埋一齊去喇。原來佢地講緊既係嘉多娜餅店，雖然我已經食過無數次，但係反正都黎到又唔洗排隊，咁梗係買埋喇。照舊都係買晒最signature戈四樣野，原味布甸泡芙即刻食，其他留返係屋企之後再食。布甸泡芙 $20呢個布甸泡芙過分爆餡，大口如我都流到一手都係。太過分喇！一定要食到唔漏落隻手為止！法式布甸包 $15雖然呢個原味泡芙唔係我心目中覺得最好食既香港布甸包，但係咁近公司可以隨時食，所以頂住先。布甸滑溜，唔會太甜，給過！比利時黑朱古力布甸包 $20呢個包其實係原味布甸包上面再加一層朱古力漿。大家可以睇到個朱古力漿佔咗一半既厚度，好似唔使錢咁。雖然係黑朱古力，但係成個食晒都會有少少膩。開心果脆脆泡芙 $25純粹想試下個開心果蛋漿。唔是開心果控既我表示，唔會特登再買。唔是因為唔好食，只係因為唔好開心果姐。