Video
Read full review
2021-05-03
196 views
約左舊同事出旺角食飯，我地揀返去HeSheEat gathering，因為晚餐甜品一條龍，可以唔洗轉場慢慢chill，而且價錢相宜，食物質素好，所以我地雖然早去到，但店內都已經開始多人，好彩坐左一晚都冇趕我地走，傾得非常盡情。餐廳望落好似唔太大間，但其實有閣樓，坐得舒服。裝修幾特別，好有藝術特色。有dinner set，亦都可以單點，食物種類都幾多元化，有小食，有沙律，main course, dessert樣樣齊。牛油果牛肉漢堡配田園沙律：牛肉漢堡嘅麵包有烘過，脆脆熱熱；漢堡咬落去有濃烈既牛肉香味，充滿肉汁；肉質唔會太鬆散，食落唔鞋口，可以order煮熟d塊漢堡。配上芝士，番茄，生菜，牛油果，原本漢堡都已經好厚身，加埋各種配料，疊到漢堡超高身，賣相吸引。講到牛油果，呢排係豬嘅最愛，軟滑既口感加上獨特既氣味，夾喺漢堡入面增強整個漢堡嘅層次及味道。同事嘅炸厚切黑毛豬滑蛋蓋意式紅飯，紅飯係用左番茄蓉煮珍珠米，食落有焗豬扒飯嘅味道。厚切黑毛豬炸到脆卜卜，外脆內軟，而且豬扒帶有香濃肉香，肉質非常軟腍，好味道。滑蛋夠嫰滑，火喉控制剛好。由於我地兩個都好想食燒春雞，所以二人share左個牛油香草燒
餐廳望落好似唔太大間，但其實有閣樓，坐得舒服。裝修幾特別，好有藝術特色。
有dinner set，亦都可以單點，食物種類都幾多元化，有小食，有沙律，main course, dessert樣樣齊。
牛油果牛肉漢堡配田園沙律：牛肉漢堡嘅麵包有烘過，脆脆熱熱；漢堡咬落去有濃烈既牛肉香味，充滿肉汁；肉質唔會太鬆散，食落唔鞋口，可以order煮熟d塊漢堡。配上芝士，番茄，生菜，牛油果，原本漢堡都已經好厚身，加埋各種配料，疊到漢堡超高身，賣相吸引。講到牛油果，呢排係豬嘅最愛，軟滑既口感加上獨特既氣味，夾喺漢堡入面增強整個漢堡嘅層次及味道。
牛油果牛肉漢堡配田園沙律
25 views
0 likes
0 comments
同事嘅炸厚切黑毛豬滑蛋蓋意式紅飯，紅飯係用左番茄蓉煮珍珠米，食落有焗豬扒飯嘅味道。厚切黑毛豬炸到脆卜卜，外脆內軟，而且豬扒帶有香濃肉香，肉質非常軟腍，好味道。滑蛋夠嫰滑，火喉控制剛好。
炸厚切黑毛豬滑蛋蓋意式紅飯
18 views
0 likes
0 comments
炸厚切黑毛豬滑蛋蓋意式紅飯
23 views
0 likes
0 comments
由於我地兩個都好想食燒春雞，所以二人share左個牛油香草燒春雞配日式薯仔沙律，燒雞充滿香蒜、香草、檸檬、牛油嘅香氣。外層香脆，肉質軟嫩而且肉汁豐盛，烹調時間、溫度及調味掌握得唔錯。
牛油香草燒春雞配日式薯仔沙律
19 views
0 likes
0 comments
牛油香草燒春雞配日式薯仔沙律
14 views
0 likes
0 comments
最後當然要order甜品，呢度嘅甜品係做得好出色，舊同事因為唔可以食凍野冇叫到，真係好可惜囉
雲呢拿士多啤梨奶凍
19 views
0 likes
0 comments
雲呢拿士多啤梨奶凍
17 views
0 likes
0 comments
呢個雲呢拿士多啤梨奶凍，用透明玻璃杯載住，成個水晶球咁，靚到不得了。個士多啤梨果肉好鮮甜，配埋士多啤梨雪糕一齊食，真係好喜歡酸酸甜甜嘅味道，每一口都充滿住幸福感。雲呢拿奶凍奶味香濃，質感細滑，最特別係側邊嗰d蛋白脆餅同紅莓粒粒，香甜鬆化，一試愛上，係必食，必食，必食推介。
Post
