根

Open Now

Now Closed

自從見過媒體介紹 Root Cafe 嘅苔玉之後，一直好想試；直至上星期病到口淡淡，勁想食甜嘢，於是就下定決心走咗去食。Cafe 位置認真隔涉，外面又有地盤圍板封實，景觀欠奉，還好室內有棵大樹好吸睛。說實話，我相信絕大部份嚟捧場嘅都應該係 fans。說回食物，我覺得最出色係甜品，味道佳，賣相更佳。Menu 話苔玉有朱古力 mousse，朱古力軟心同朱古力脆脆蛋糕，其實最入面應該仲有士多啤梨軟心，酸酸哋，正好中和朱古力嘅甜漏。甜品頂部有隻甲蟲好得意，外面嘅「青苔」像真度高，不過「好睇唔好食」，容易嗆喉。主食我揀咗卡邦尼意粉，呢度嘅做法較正宗，冇落忌廉，只用蛋黃同 Parmesan cheese。雞蛋係蘭王，色澤鮮明，蛋味濃厚。意粉略嫌偏鹹，因為配料採用意式煙肉同意大利火腿，兩者都鹹，後者更烤至硬身，口感麻麻，可能唔烤會更好。最後叫多杯 Cappuccino，奶泡綿密，奶味偏重，雖然並非我的口味，但喜歡奶啡的人應該好鍾意。