Ukiyo

Open Now

Now Closed

第一次去K11 6/F搵食，餐廳位置比較偏僻都搵左一陣令人失望的服務態度星期六下午兩點去到都要等幾張枱先至入得，尤其是我哋唔想坐吧枱就要等再耐啲等到話有位，侍應帶我哋入座到一張六人枱。之後先被告知原來要搭枱，咁我就問窗邊張吉既四人枱可唔可以坐，佢就回覆要四人先可以坐嗰個位，感覺俾人呃咗去坐唔想坐嘅位。侍應識得問我哋坐唔坐吧枱，但就唔問我哋接唔接受搭枱...以呢個價錢嘅餐廳，仲收加一服務費，要客人搭枱不能接受。有四人枱空置，而且排隊嘅時候後面都冇四人等緊位，都唔肯俾我哋坐。明明唔係繁忙時段，就為咗遲下塞多啲客人就要我哋搭枱。諷刺既係，我見到附近有枱四人家庭坐緊六人枱，咁點解我哋兩個人唔可以坐四人枱呢？本來想叫多幾樣嘢食，但係見到餐廳咁吝嗇佢哋嘅座位，即刻無曬mood，決定叫少少野食就走食物焙茶麻糬窩夫 $ 168 麻糬窩夫黎到，賣相幾吸引，但麻糬比我想像中薄，好似一塊布鋪左係啲窩夫上面。窩夫夠熱夠脆，淋上焙茶cream加埋豆腐雪糕一齊冰火交融咁食係幾正拿鐵 $45咖啡豆偏酸，咖啡味比較淡總結waffle同咖啡正常，但係麻糬窩夫淨值唔值得（加一後）接近$200就見仁見智。對我嚟講，試一次就